ТӨСЛИЙН ҮНДЭСЛЭЛ:
       Сүүлийн 20 жил Баян-Овоо сумын соёлын төв мэргэжлийн хөгжмийн багшгүй байсан, хөгжим, хөгжмийн зэмсгийн хангалт бага байсан учир хөгжмийн боловсрол олгох сургалт, дугуйлан хичээллээгүй, мэргэжлийн хөгжмийн багштай болсон ч хөгжмийн сургалтууд зохион байгуулахад хөгжим, хөгжмийн зэмсэг дутагдалтай байгаа учраас эхний ээлжид нэн шаардлагатай хөгжмийн зэмсгийг худалдан авах хэрэгцээ шаардлагатай болсон.
 

ТӨСЛИЙН ЗОРИЛГО:
       Соёлын төвийн хөгжим, хөгжмийн зэмсгийн хангалтыг нэмэгдүүлэх, хүүхэд багачууд, залуучууд, иргэдэд хөгжмийн боловсрол олгох, дээшлүүлэх, үндэсний урлаг, өв соёлыг сурталчлах, түгээн дэлгэрүүлэх зорилготой.
 

ТӨСЛИЙН ХҮРЭЭНД ХИЙГДСЭН АЖИЛ:
       Баян-Овоо сумын соёлын төвд их хуур, бөмбөр, лимбэ хөгжим тус бүр 1 ширхэг, морин хуур 12 ширхгийг нийлүүлэн хүлээлгэн өгсөн.

ТӨСЛИЙН ҮР ДҮН:

• Соёлын төвийн хөгжмийн зэмсгийн хүртээмж нэмэгдсэн.
• Сурагчид, залуучууд, иргэдэд хөгжмийн дугуйлан хичээллэх боломжтой болсон.
• Үндэсний урлагийг хөгжүүлж, сурталчлан хөгжмийн боловсрол эзэмших хүүхэд, насанд хүрэгчдийн тоо нэмэгдэнэ.
• Төрөл бүрийн хөгжмийн сургалтууд хичээллэнэ.
• Сурагчид, насанд хүрэгчид улс, аймаг, бүсийн тэмцээнд оролцох боломжтой болно.
• Үндэснийх хөгжим, урлаг, өв соёлыг сурталчилж, түгээн дэлгэрүүлнэ.