ТӨСЛИЙН ҮНДЭСЛЭЛ:

• Манлай сумын дотуур байр нь 1977 онд ашиглалтад орж, түүнээс хойш одоог хүртэл үйл ажиллагаагаа явуулж байна. 2007 онд дотуур байранд дотоод тохижилтын ажил хийснээс хойш нэмэлт тохижилт хийгдээгүй тул өрөө тасгуудын тохижилт шаардлага хангахгүй байгаагаас гадна хүүхдийн хэрэглэдэг эд хогшил, тоног төхөөрөмжүүд нь олон жил ашигласны улмаас элэгдэж муудан ашиглах боломжгүй болсон тул нэн тэргүүнд солих шаардлагатай байгаа юм.
• Дотуур байранд амьдрах хүсэлтэй хүүхдүүд олон байдаг боловч дотуур байрны тохижилт муу,одоогийн байгаа хэрэглэл материал тоног төхөөрөмж нь хүрэлцэхгүй, мөн одоо ашиглагдаж байгаа хэрэгсэл нь чанарын шаардлага хангахгүй байгаагаас шалтгаалан хөдөөгийн айлын хүүхдүүд дотуур байранд бүрэн хамрагдаж чадахгүй, хүүхдүүдийн эцэг эхийн аль нэг нь сумын төвд гэр барин хүүхдээ харж суух, нөгөө нь хөдөө малаа маллаж байна. Хэрэв энэ асуудлыг шийдвэл дотуур байранд амьдрах хүүхдийн тоо нэмэгдэж, илүү олон хүүхэд хамрагдах боломжтой гэж үзэж байна. Дотуур байрыг бүрэн тохижуулах, хүүхэд бүр ая тухтай амьдрах нөхцөл бололцоог ханган ажиллахыг мэргэжлийн хяналтын шалгалтаар удаа дараа шаардаж сануулсан. Гэвч асуудлыг шийдэх санхүүжилт байхгүй гэсээр олон жил болж байгаа юм.
   

ТӨСЛИЙН ЗОРИЛГО:
       Дотуур байрны тохижилтыг сайжруулж, хүүхэд бүр тав тухтай өөрийн гэртээ байгаа мэт орчныг бүрдүүлэх.

ТӨСЛИЙН ХҮРЭЭНД ХИЙГДСЭН АЖИЛ:
        Манлай сумын ЕБС-ийн дотуур байранд ширээ сандлын ком, ханын босоо толь, буйдан, хувцасны өлгүүр, номын тавиур, оюун ухааны тоглоом зэрэг хэрэгслийг нийлүүлсэн.
 

ТӨСЛИЙН ҮР ДҮН:

• Дотуур байрны хүүхдийн амьдрах амрах тав тухтай эрүүл орчин бүрдэнэ.
• Багш ажлын байрандаа хөгжих, ажиллах таатай орчин бүрдэнэ
• Хүүхдүүд чөлөөт цагаараа зурагт үзэх, цаг үеийн мэдээ мэдээллийг цаг тухайд нь авч байх боломжтой болно.