ТӨСЛИЙН ҮНДЭСЛЭЛ:
      Баян-Овоо суманд 2018 онд хэрэгжсэн “Цэвэр агаар” хөтөлбөрийн хүрээнд иргэдийн амрах, чөлөөт цагаа өнгөрөөх саравчуудыг сумын биеийн тамирын талбайд байрлуулсан. Гэвч цэцэрлэгт хүрээлэн хашаагүй болохоор мал, амьтан орох, хог хаягдлаар бохирдох зэргээр иргэдийн амрах, чөлөөт цагаа өнгөрүүлэхэд тав тухгүй байдлыг үүсгэж байна. Тиймээс цэцэрлэг, сургуулийн сурагчид болон залуучууд чөлөөт цагаа цэвэр агаарт зөв, боловсон өнгөрүүлэх, цэвэр аюулгүй тохилог орчныг бүрдүүлэхэд сумын биеийн тамирын талбайг хашаажуулах шаардлагатай байна.
 

ТӨСЛИЙН ЗОРИЛГО:

• Сумын хүүхэд залуучуудыг эрүүл, тохилог орчинд чөлөөт цагаа зөв боловсон өнгөрүүлснээр эрүүл, боловсон хүн болон төлөвших нөхцөл боломжоор хангах
• Сумын тохижилтод эерэг нөлөө үзүүлнэ.

ТӨСЛИЙН ХҮРЭЭНД ХИЙГДСЭН АЖИЛ:
      Баян-Овоо сумын биеийн тамирын талбайг тойруулан 350 метр урттай бетонон суурь бүхий төмөр хашааг суурилуулсан.
 

ТӨСЛИЙН ҮР ДҮН:

• Сумын иргэд чөлөөт цагаа үр бүтээлтэй өнгөрөөх орчин нөхцөл бүрдсэн.
• Цаашид сумын биеийн тамирын талбайд нэмэлтээр спортын талбай, тоглоомын талбай байгуулах боломжтой болсон