ТӨСЛИЙН ҮНДЭСЛЭЛ:
      Манлай сум нь нийт 308 ахмад настантай. 2019 онд шинэ ахмадын өргөөг барьж ашиглалтад оруулсан. Сумын ахмадын хороо нь өөрийн гэсэн санхүүжилт төсөв байхгүй зөвхөн ахмадуудын өгсөн хандиваар санхүүждэг. Одоогийн байдлаар шинэ барилга баригдсан боловч ахмадын өргөө нь гадна тохижилт хийгдээгүй, хуучин модон хашаатай байгаа. Дээрх нөхцөл байдлаас үндэслэн сумын ахмадын өргөөг бохирын шугам хоолойд холбох, гадна гэрэлтүүлэг тохижилт хийх, өргөөний гадна хашааг шинэчлэх зэргээр ахмадуудын чөлөөт цагаа өнгөрөөх таатай орчныг бүрдүүлэх хэрэгтэй байна.
 

ТӨСЛИЙН ЗОРИЛГО:
     Сумын нийт ахмадууд хүссэн үедээ өргөөндөө очиж санал бодлоо солилцох, тоглож наадах, ном сонин унших, эрүүл мэнд, бие бялдраа чийрэгжүүлэх зэрэг чөлөөт цагаа зөв боловсон өнгөрүүлэх ахмадын өргөөг байнгын ажиллагаатай болгох зорилготой.
 

ТӨСЛИЙН ХҮРЭЭНД ХИЙГДСЭН АЖИЛ:
     Манлай сумын ахмадын өргөөний гадна тохижилтын ажил гүйцэтгэж 150 метр төмөр хашаа, нэг ширхэг модон саравч байрлуулсан.
 

ТӨСЛИЙН ҮР ДҮН:
    Сумын ахмад настнууд болон иргэд чөлөөт цагаа өнгөрөөх аюулгүй орчинтой болсон.