ТӨСЛИЙН ҮНДЭСЛЭЛ:
      Манлай сумын нийт төрөлт 2018 онд 46, 2019 онд 60, 2020 онд 52 байгаа нь Өмнөговь аймгийн хүн амын тоо ойролцоо сумдын дунджаас өндөр байна. Нийт төрөлтөөс охидын төрөлт 2018 онд 1 буюу нийт төрөлтөд охидын эзлэх хувь 2.2%, 2019 онд 5 буюу 5.3%, 2020 онд 9 буюу 19.3% байгаа нь Манлай суманд охидын төрөлт ихсэх хандлагатайг харуулж байна. Нийт үр хөндөлт 2018 онд 28, 2019 онд 15, 2020 онд 6 байгаа нь хүн амын тоо ойролцоо сумдын дунджаас бага байна. Мөн 0-1 насны хүүхдийн эндэгдэл 2018 онд 2, үүнээс дутуу төрөлтөөс шалтгаалсан эрт нярайн эндэгдэл 2, 2019 онд 1, үүнээс дутуу төрөлтөөс шалтгаалсан эрт нярайн эндэгдэл 1, 2020 онд 1, үүнээс дутуу төрөлтөөс шалтгаалсан эрт нярайн эндэгдэл 1 байгаа нь дутуу төрөлт буурахгүй  байгаагаас нярайн эндэгдэл буурахгүй тогтвортой байгаа сул тал ажиглагдаж байна. Эх, хүүхэд, нөхөн үржихүйн эрүүл мэндийн тусламж үйлчилгээг чанаржуулах, жирэмснийхяналтыг сайжруулах, жирэмсний эрт хяналтыг нэмэгдүүлэх, дутуу төрөлт, нярайн эндэгдлийн түвшин бууруулах зорилтын хүрээнд энэ төрлийн сургалт, мэдээлэл, сурталчилгааг эрчимжүүлэх шаардлагатайг харуулж байна.

ТӨСЛИЙН ЗОРИЛГО:
      Эх, хүүхэд, эмэгтэйчүүдэд зориулагдсан кабинетыг шинээр бий болгон тохижуулснаар 1 удаад 7-10 хүнийг сургалтад хамруулах ба 1 долоо хоногт 3 удаагийн сургалтаар 21-30 хүнийг сургалтад хамруулснаар эрүүл мэндийн боловсролыг олгож, жирэмсний болон төрөлтийн хүндрэл, эх хүүхдийн эндэгдэл, дутуу төрөлт, охидын жирэмслэлт, үр хөндөлтийг тодорхой түвшинд бууруулах зорилготой.
 

ТӨСЛИЙН ХҮРЭЭНД ХИЙГДСЭН АЖИЛ:
      Манлай сумын эрүүл мэндийн төвд эх хүүхдийн сургалтын кабинетыг байгуулж сургалтын үйл ажиллагаанд ашиглах зурагт, иогийн гудас, дасгалын бөмбөг, муляж, эмэгтэй нөхөн үржихүйн эрхтний бүтцийг харуулсан үзүүлэн, нярайн муляж, хүчилтөрөгчийн коктейлэр нийлүүлсэн.
 

ТӨСЛИЙН ҮР ДҮН:

• Эх, хүүхэд, эмэгтэйчүүдийн суралцах, мэдлэг, хандлага, ур чадвараа дээшлүүлэх материаллаг баазтай болсон
• Жирэмсэн эхчүүдийг хөдөлгөөний дутагдлаас сэргийлэх, ураг хэт томрох, төрөхийн хүндрэл зэргээс сэргийлж жирэмсний эхний, дунд, сүүлийн саруудад тохирох иогийн дасгалыг заах боломжтой болсон.
• Хүчилтөрөгчийн дутагдлаас үүсэх эмгэгүүд, эхийн уушгины цэвэрлэгээ болохоос гадна ургийн архаг бүтэлт, ургийн төрөх үеийн бүтэлт, нярайн тархины эмгэгшил зэрэг эмгэг байдал үүсэхээс урьдчилан сэргийлэх зорилгоор хүчилтөрөгчийн коктейлээр үйлчилж байна.