ТӨСЛИЙН ҮНДЭСЛЭЛ:
      Хүүхдийн хөгжлийн 3-5 нас бол хүний амьдралын хамгийн чухал нас гэж үздэг. Бага наснаасаа дуу хөгжимд дуртай, хөгжмийн боловсрол эзэмшсэн, хөгжмийн мэдрэмж сайтай хүүхдийн сэтгэн бодох чадвар илүү хөгждөг байна. Манлай сумын 15-р цэцэрлэгийн  барилгад 2019 онд “Говийн оюу хөгжлийг дэмжих сан”-гийн санхүүжилтээр 100 хүүхдийнхүчин чадалтай өргөтгөлийн барилга баригдаж 200 хүүхдийг хамран сургах боломжтой болсон. Цэцэрлэгийн өргөтгөлийн барилгад шинэ урлагийн танхимтай болж, тоног төхөөрөмжтэй боловч цуурай ихтэй учир хүүхэд хөгжүүлэх, сурч боловсроход хүндрэлтэй байдаг. Урлагийн танхимаа тохижуулснаар хөгжмийн хичээлээ танхимдаа орох, хүүхдийг багаас нь урлагт дуртай болгох, орчноо мэдэрч сурах зэрэг ач холбогдолтой.
 

ТӨСЛИЙН ЗОРИЛГО:
      Сургуулийн өмнөх боловсрол, цэцэрлэгийн хүүхдүүдийн сурч боловсрох, хөгжих, багшийн ажиллах эрүүл тухтай орчин нөхцөлийг бүрдүүлэх.
 

ТӨСЛИЙН ХҮРЭЭНД ХИЙГДСЭН АЖИЛ:
       Дуу намсгагч эсгий хавтанг урлагийн танхимд тохиромжтой хэлбэр, загвар гарган хийлгэж, урлагийн танхимын дотор хананд дуу чимээ, цуурай намсгасан.

ТӨСЛИЙН ҮР ДҮН:
       Цэцэрлэгийн бага бүлгийн 40, дунд бүлгийн 50, ахлах бүлгийн 50, бэлтгэл бүлгийн 60 хүүхэд тухтай орчинд дуу хөгжмийн боловсрол эзэмших боломжтой болсон.