ТӨСЛИЙН ҮНДЭСЛЭЛ:
      Өмнөговь аймгийн Манлай сум нь Өехий, Өгөөмөр, Жаргалант, Далай гэсэн дөрвөн багтай, тус багийн нутаг дэвсгэрт ажиллаж амьдарч буй 469 малчин өрхтэй, 2020 оны жилийн эцсийн мал тооллогын дүнгээр нийт 220,619 мал тоолуулж, малын тоо толгой тогтмол өссөөр байна. Сүүлийн жилүүдэд хур бороо багасаж, ган зудын давтамж ойр ойрхон тохиож байгаа нь малчдын хувьд малын хариулга маллагааг тогтмол байлгаж чадахгүйд хүргэх, малын үхэл хорогдлоос гадна салхи, шуурганд уруудуулж алдах, отор нүүдэл ихээр дамжин өнгөрөх, ирэх, явах зэргээс хамаарч малын хулгай тогтмол гарсаар байна. Иймээс мэдээлэл харилцаа хөгжсөн энэ үед малчид хоорондоо тогтмол харилцаа холбоотой байж, нэгнийхээ алдагдсан, сурагласан, олсон малын мэдээллийг цаг алдалгүй солилцож, эд малаараа хохирох болон малын хулгайн гэмт хэргээс урьдчилан сэргийлж, хоорондоо хамтран ажиллах нь чухал болоод байна.

ТӨСЛИЙН ЗОРИЛГО: 
      Манлай сумын 469 малчин өрхийн малын им тамга, чихлээс, тамга, утасны дугаар бүхий мэдээлэл, малын хулгайн хэмт хэргээс урьдчилан сэргийлэх тухай хууль, эрхзүйн мэдээлэл, Манлай сумын гэмт хэргээс урьдчилан сэргийлэх салбар зөвлөлийн мэдээлэл зэрэг малчдад хэрэгтэй тулгуур мэдээллүүдийг агуулсан гарын авлага бэлтгэн тараах.
 

ТӨСЛИЙН ХҮРЭЭНД ХИЙГДСЭН АЖИЛ:
      Манлай сумын малчдын малын им тамга, бусад мэдээлэл бүхий 26 хуудас бүхий гарын авлагыг 600 хувь хэвлэн малчин өрх, мал бүхий өрх болон төрийн байгууллагад тараана.
 

ТӨСЛИЙН ҮР ДҮН:

• Малчдын малын мэдээлэл солилцох уялдаа холбоог сайжруулна.
• Малын хулгайн гэмт хэргээс урьдчилан сэргийлнэ.