ТӨСЛИЙН ҮНДЭСЛЭЛ:
       Сүүлийн жилүүдэд уур амьсгалын өөрчлөлт эрчимтэй явагдаж байгаагаас үүдэн дэлхийн агаарын дундаж температур өнгөрсөн 140 жилийн хугацаанд 1.0 градус орчим дулаарчээ гэж дүгнэдэг. Монгол улсын хувьд дэлхийн бөмбөрцгийн хойд хагасын дундад өргөргийн туйл руу ойрхон бүсэд хамаардаг бөгөөд энэ бүсэд дэлхийн дулаарал хамгийн эрчимтэй явагдаж байгаа. Монгол улсад хийж буй ажиглалт хэмжилтээр сүүлийн 80 жилийн хугацаанд агаарын температур 2.3 орчим градусаар дулаарчээ. Өмнөговь аймгийн суурь судалгаагаар Манлай суманд унаж буй хур тунадасны хэмжээ багассан, аймгийн хэмжээнд хуурайшилтын зэргээр бага чийгтэй бүсэд хамаарч байна.
       Манлай сумын хэмжээнд унах хур тунадасны хэмжээ багассанаар төвийн хэмжээнд тоосжилт нэмэгдэх, зам талбай хэт халах зэргээр иргэдийн амьдрах орчин бохирдож эрүүл мэндэд сөргөөр нөлөөлөх эрсдэл үүсэж байгаа тул зам талбайг усалж чийгшүүлэх, тоосжилтыг бууруулах, нийтийн эзэмшлийн талбай дахь ногоон байгууламжийн услах давтамжийг нэмэгдүүлэхэд ашиглах техник хэрэгслээр хангах хэрэгцээ шаардлага тулгарч байна.

ТӨСЛИЙН ЗОРИЛГО:
      “Цэвэр Манлай” хөтөлбөр хэрэгжсэнээр Манлай сумын төвийн өнгө үзэмжийг сайжруулах, иргэдийн эрүүл мэндийг тоосжилтоос хамгаалж цэвэр орчинг бий болгох, иргэдийн амьдрах орчны эрүүл мэндэд үзүүлэх эерэг нөлөөг сайжруулах, сумын 121.9 га нийтийн эзэмшлийн гудамж талбайг чийгшүүлэх, мод услах, арчлах, шаардлагатай тохиолдолд ариутгал, халдваргүйжүүлэлтийн ажлыг хийхэд шаардагдах усалгааны автомашин, багаж хэрэгсэл нийлүүлнэ.
 

ТӨСЛИЙН ХҮРЭЭНД ХИЙГДСЭН АЖИЛ:
      Манлай сумын Засаг даргын тамгын газарт замын тоос сорох төхөөрөмж суурилуулсан зам усалгааны автомашин, мод услах мотор, насос, зам цэвэрлэгээний багаж хэрэгслийг нийлүүлсэн.
 

ТӨСЛИЙН ҮР ДҮН:

• Зам талбайг тогтмол усалж, зам дээр тогтсон шороог тогтмол цэвэрлэснээр сумын төвийн тоосжилт багассан
• Сумын төвийн нийтийн эзэмшлийн ногоон байгууламжийг усалж тордож байна.
• Шинээр зам цэвэрлэх, мод услах хоёр ажлын байр бий болсон.