ТӨСЛИЙН ҮНДЭСЛЭЛ:

Баян-Овоо сум 2013 онд сумынхаа ахмадууд болон газар тариалан эрхлэгчдээ дэмжиж газар тариалангийн жишиг талбайг “Оюутолгой” ХХК-тай хамтран байгуулсан. Энэхүү талбай нь сумын төвөөс алслагдсан байршилтай тул цахилгааны эх үүсвэргүй, усалгааны зориулалтаар мотор ажиллуулахад их хэмжээний зардал гаргадаг сул талтай. Иймд уг тариалангийн талбайруу сумын цэвэр усны нөөцийн трансформатораас цахилгааны шугам татаж эрчим хүчээр хангах шаардлагатай.

ТӨСЛИЙН ЗОРИЛГО:

Тариалангийн талбайг цахилгаан эрчим хүчээр хангахын тулд сумын төвөөс 10кВт -ын цахилгаан дамжуулах 3.2 км шугам татаж 10/04 кВт-ын дэд станц барьж байгуулна.

ТӨСЛИЙН ХЭРЭГЖИЛТ:

• Баян-Овоо сумын ЗДТГ-аас санаачилсан уг төслийг сангийн ажлын албанд хүлээн авч Харилцааны хорооны хурлаар хэлэлцүүлэн дэмжсэний дагуу Удирдах зөвлөлийн хуралд танилцуулав.
• “Говийн Оюу хөгжлийг дэмжих сан”-гийн Удирдах зөвлөлийн 2018 оны 3 дугаар сарын хурлаар дэмжигдэж нийт 108.2 сая төгрөгөөр санхүүжүүлэхээр батлав.
• Захиалагч Баян-Овоо сумын ЗДТГ гүйцэтгэгчийн сонгон шалгаруулалт зарлаж Улаанбаатар хотод үйл ажиллагаа явуулдаг, 757/18 дугаартай эрчим хүчний тусгай зөвшөөрөл бүхий “Содон-Эрчис” ХХК-ийг гүйцэтгэгчээр шалгаруулж ажил гүйцэтгэх гэрээ байгуулав.
• Санхүүжүүлэгч “Говийн Оюу хөгжлийг дэмжих сан” нь захиалагч болон гүйцэтгэгч байгууллагуудтай дээрх гэрээг үндэслэн гэрээ байгуулснаар төслийн ажлыг эхлүүлэв.
• Гүйцэтгэгч “Содон эрчис” ХХК гэрээний дагуу төлөвлөгөөт хугацаанд ажлаа гүйцэтгэж, хяналтын болон хүлээн авах комисс ажилласнаар уг төсөл амжилттай хэрэгжлээ.

ҮР ДҮН:

• Баян-Овоо сумын газар тариалангийн зориулалтын талбай байнгын гэрэл цахилгаантай болж талбайн усалгааны зардал буурна
•  Газар тариалан эрхлэгчдийн хөдөлмөрийг хөнгөвчилж орлого нэмэгдэх нөхцөл бүрдэв. Газар тариалан, хүнсний ногоо тарихыг хүссэн хүмүүс шинээр ажлын байртай болох, орлого олох амьжиргаагаа дээшлүүлэх болоцоо нэмэгдэв.
•  Баян-Овоочууд өөрсдийн газар шороондоо ургуулсан хүнсний ногоогоор хэрэгцээнийхээ багагүй хэсгийг хангах, улмаар бусад зах зээлд борлуулах боломжтой болов.