ХӨТӨЛБӨРИЙН ҮНДЭСЛЭЛ:
      Манлай сумын “Манлайн бадрах” ОНӨААТҮГазар нь төсөвт 5 байгууллага, 94 өрх, 16 аж ахуй нэгжийг халаалтын хугацаанд дулаанаар хангаж ажилладаг. Дулаанаар хангагддаг айл өрх, аж ахуй нэгж нь дулааны эх үүсвэрээс 2-2.5 км зайтай байдгаас үйлдвэрлэж буй дулаан хэрэглэгчдэд жигд хүрдэггүй. 2020 онд Манлай суманд хуучин сургуулийг засварлаж ашиглалтанд оруулах, 14 айлын орон сууц баригдах, Эрүүл мэндийн төв шинээр баригдаж буй зэрэг хөрөнгө оруулалтын ажлууд хийгдсэнээр дулааны эх үүсвэрээс хол байгаа айл өрх, аж ахуй нэгжүүдийн халаалт доголдолтой очих, үйлдвэрлэж байгаа дулаан жигд хүрэхгүй байх нөхцөл байдал үүсэж болзошгүй байна. Иймээс дулааны эх үүсвэрт ойр байрлах төсөвт албан байгууллагад ялтсан бойлуурыг суурилуулснаар захын хэрэглэгчдэд очих халаалт сайжирна. Энэ арга нь өмнө нь өөр суманд туршигдан хэрэгжсэн юм.
 

ХӨТӨЛБӨРИЙН ЗОРИЛГО:
      Дулаан хэрэглэгч аж ахуйн нэгж, байгууллагууд, айл өрхүүдийн халаалт жигд очих нөхцөлийг бүрдүүлэх, халаалтыг хэрэгчлэгчдэд ижил температуртай хүргэх, захын хэрэглэгчдийг чанартай дулаанаар хангах зорилготой.

ХӨТӨЛБӨРИЙН ХҮРЭЭНД ХИЙГДСЭН АЖИЛ:
       Манлай сумын төсөвт байгууллагууд болох ерөнхий боловсролын сургууль, тус сургуулийн дотуур байр, цэцэрлэг, соёлын төв гэсэн 4 байгууллагад 300-600 ваттын хүчин чадал бүхий ялтсан бойлуур суурилуулсан.
 

ХӨТӨЛБӨРИЙН ҮР ДҮН:

• Албан байгууллага, айл өрхүүд нэгэн жигд хэмээр дулаан хангамж, халаалтыг авч эхэлсэн.
• Дулааны алдагдал багасч үр ашиггүй зардал буурсан.
• Иргэд, айл өрхүүд дулаан тухай орчинд амьдрах боломж бүрдсэн.
• Халаалтын хэмжээ жигд болсноор сумын төвд айл өрхүүд гал түлэхгүй болж сумын төвийн агаарын бохирдол буурахад эерэг нөлөө үзүүлсэн.