ХӨТӨЛБӨРИЙН ҮНДЭСЛЭЛ:
       Эрүүл мэндийн төв нь 2019 онд 57 удаа, 2020 оны эхний сарын байдлаар 19 удаа багаж хэрэгслийн ариутгалыг уурын автоклаваар хийсэн байна. Ингэхдээ 2 төрлийн индикатор буюу ариутгалын чанар шалгах тууз, уурын тархалт шалгах индикатор ашиглаж байна. Одоогоор эмнэлгийн тусламж үйлчилгээнээс шалтгаалсан халдвар гараагүй байгаа боловч халдвар гарах өндөр эрсдэлтэй байгааг 2020 оны 5 сард ЭМЯ, НҮБ-ын хүн амын сангийн шинжээч нарын хийсэн хяналт үнэлгээгээр илрүүлж эрсдэлийг арилгах талаар зөвлөмж өгсөн билээ. Түүний дагуу эмнэлгийн ариутгалын хэсгийн урсгалыг зөв болгох, багаж хэрэгслийн угаалга хавдваргүйжүүлэлтийг сайжруулах, ариутгалын чанарт шалгах индикаторын төрлийг нэмэгдүүлэх, эмнэлгийн ажилтнууд өөрсдөө халдвар авах эрсдэлээс сэргийлэх, стандартын дагуу багаж хэрэгслийн ариутгал халдваргүйтгэлийг зохион байгуулах юм.
 

ХӨТӨЛБӨРИЙН ЗОРИЛГО:
      Эрүүл мэндийн байгууллага нь эмнэлгийн тусламж үйлчилгээ үзүүлэхэд үйлчлүүлэгчдийн гэмтсэн болон гэмтээгүй арьс салст, зөөлөн эд, яс, биеийн хөндийд нэвтэрдэг дахин хэрэглэгддэг багаж хэрэгслийг холбогдох заавар журмын дагуу халдваргүйжүүлэн ариутгаж багаж хэрэгслээр дамжин халдвар тархах эрсдэлийг арилгах, эрүүл аюулгүй орчинд тусламж үйлчилгээ үзүүлэх зорилготой.

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Манлай сумын эрүүл мэндийн төвд дахин хэрэглэгддэг багаж хэрэгслийг ариутгаж халдваргүйжүүлэх зөөврийн дизкамер, ус нэрэгч, бохирын даавуун тэргэнцэр, хэт ягаан туяаны ламп, цэвэрлэгээний тэргэнцэр, хийн компрессор, гурван дамжлагатай тосгуурыг нийлүүлж суурилуулсан.
 

ХӨТӨЛБӨРИЙН ҮР ДҮН:

• Эрүүл мэндийн төвийн ариутгалын хэсэгт хийгдэх ариутгал, халдваргүйжүүлэлт сайжирсан.
• Эмнэлгийн тусламж үйлчилгээнээс шалтгаалсан халдвар гарахгүй.
• Эмнэлгийн дотоод халдвараас урьдчилан сэргийлж байна.
• Үйлчлүүлэгчдийн халдваргүй, эрсдэлгүй орчинд үйлчлүүлэх хэрэгцээ хангагдаж байна.