ХӨТӨЛБӨРИЙН ҮНДЭСЛЭЛ:
      Манлай сумын 15 дугаар цэцэрлэг нь 2019 онд “Говийн оюу хөгжлийг дэмжих сан”-ийн санхүүжилтээр барьсан 100 хүүхдийн цэцэрлэгийн барилгыг ашиглалтад оруулан нийт 200 хүүхэд хүлээн авах хүчин чадалтайгаар сумын төвийн хүүхдэд сургуулийн өмнөх боловсрол олгож байна. Сургуулийн өмнөх боловсролын хичээлийн хөтөлбөрт ёс заншлаа өвлүүлэх, дээдлэх түүнд суралцах үйл ажиллагаанууд өргөн цар хүрээтэйгээр тусгагддаг. Тиймээс тухайн хичээлийг практик хэрэглээн дээр тулгуурлан заах нь хүүхдэд илүү хүртээмжтэй байдаг тул шинээр зан үйлийн буланг цэцэрлэгтээ байгуулах юм.
 

ХӨТӨЛБӨРИЙН ЗОРИЛГО:
      Ёс заншлаа дээдэлж, түүнийгээ амьдрал ахуйдаа хэвшил болгон мөрдүүлэхэд сургалтын хөтөлбөрийн үйл ажиллагаагаар төлөвшүүлэхэд зориулсан сургалтын хэрэглэгдэхүүнийг цэцэрлэгийн анги танхимд байрлуулж, хүүхдүүдэд бодит үзүүлэн дээр зааж сургана.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Манлай сумын цэцэрлэгт Монголын үндэсний ёс заншил, уламжлалт зан үйлийг заахад ашиглах иж бүрэн тавилгатай 3 ханатай гэр, Монголчуудын өдөр тутамдаа ашигладаг эд хэрэгсэл, таван хошуу малын чихмэл зэрэг сургалтын хэрэглэгдэхүүнийг нийлүүлэн хүлээлгэн өгсөн.
 

ХӨТӨЛБӨРИЙН ҮР ДҮН:

• Сургалтын хэрэглэгдэхүүний баазтай болсон
• Хүүхэд багачууд Монгол ёс заншил, ахуйгаа дээдлэхэд суралцаж байна