ХӨТӨЛБӨРИЙН ҮНДЭСЛЭЛ:
     Баяндалай сумын төв нь гудамжны гэрэлтүүлэггүй. Үүнээс шалтгаалж иргэд осол бэртэлд өртөх, нохойд уруулах, гэмт хэрэг гарах гэхчлэн иргэдийн амь нас, эрүүл мэнд, эд хөрөнгөд аюул учрах нь элбэг байдаг. Иймд сумын төвд стандартын шаардлага хангасан гудамжны гэрэлтүүлэг болон цамхагт гэрэл хийх шаардлагатай байсан.
 

ТӨСЛИЙН ЗОРИЛГО:
     Баяндалай сумын төвд стандартын шаардлага хангасан гудамжны гэрэлтүүлэг хийж ард иргэдийн амьдралын аюулгүй байдлыг хамгаалах.
 

ТӨСЛИЙН ХҮРЭЭНД ХИЙГДСЭН АЖИЛ:
     Баяндалай сумын төвд нийт 60ш гудамжны гэрэлтүүлэг, 23ш цамхагт гэрэл хийж ашиглалтанд хүлээлгэн өгсөн.
 

ТӨСЛИЙН ҮР ӨГӨӨЖ:

• Иргэдийн амь нас, эрүүл мэнд, эд хөрөнгийн хохирлын эрсдэлийг бууруулна
• Сумын төвийн өнгө үзэмж сайжирч, сумын хөгжил цэцэглэлтэнд хувь нэмэр оруулсан
• Иргэд тав тухтай орчинд ажиллаж амьдрах болсон.
• Төслийн хүрээнд сумын төвийн хэмжээнд нийт 60 ш гудамжны гэрэлтүүлэг, 23ш цамхагт гэрэл суурилуулсан.

ТӨСЛИЙН ХЭРЭГЖИЛТ, ҮР ДҮН:

• Говийн оюу хөгжлийг дэмжих сангийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Гэрэлтүүлгийн ажил” төслийг хэрэгжүүлсэн.
• Баяндалай сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан.
• “Говийн оюу хөгжлийг дэмжих сан” нь захиалагч Баяндалай ЗДТГ болон хөтөлбөрийн хэрэгжүүлэгч “Эс Жи Эм” ХХТ-тай санхүүжилтийн гэрээ байгуулсан.
• Хэрэгжүүлэгч “Эс Жи Эм” ХХК-тай гэрээний ажлыг хугацаанд нь чанартай хэрэгжүүлснээр Өмнөговь аймгийн Баяндалай сумын төвд стандартын шаардлага хангасан гудамжны гэрэлтүүлэгтэй болж, иргэдийн амь нас, эрүүл мэнд, эд хөрөнгө хохирох эрсдлийг бууруулахад дэм болон, сумын төвийн өнгө үзэмж хийгээд иргэд тав тухтай орчинд ажиллаж амьдрах нөхцөл сайжирсан.