ТӨСЛӨӨР ХИЙГДСЭН АЖЛУУД:

1. Үерийн далангийн барилгын зураг төсөв:  Гидроком байгууламж ХХК, 47,094,800 төгрөг 

2. Үерийн далангийн барилгын ажил: “Арц суврага" ХХК ХХК, 1,257,711,282 төгрөг                   

ТӨСЛИЙН ҮНДЭСЛЭЛ

Ханбогд сумын төвийн газарзүйн байршил нь нам дор ба сумын төвийн баруун болон урд уулнаас үерийн ус их буудаг. 2015 онд дуу цахилгаантай аадар бороо 30 минут орох төдийд сумын төв бүхэлдээ усанд автаж төрийн болон иргэдийн өмч хөрөнгө ихээр эвдэрч сүйдсэн, айлуудын бохир хальж иргэдийн эрүүл, аюулгүй амьдрах нөхцөлд сөргөөр нөлөөлсөн зэрэг аюул тохиож байсан юм.

ТӨСЛИЙН ЗОРИЛГО

Энэхүү төслийн гол зорилго нь сум, орон нутгийн нийгэм, эдийн засаг, байгаль орчинд ээлтэй, байгалийн унаган тогтоцыг хөндөхгүй, стандартын шаардлага хангасан үерийн далан, суваг байгуулж, байгалийн гэнэтийн, давагдашгүй хүчин зүйл болох үер усны гамшгаас ард иргэдээ хамгаалах, сумын төвийн иргэдийн эрүүл, аюулгүй орчинд амьдрах нөхцөлийг бүрдүүлэх

ТӨСЛИЙН ХЭРЭГЖИЛТ:

• “Говийн Оюу хөгжлийг дэмжих сан”-ийн 2017 оны 10 дугаар сарын 02-ны өдрийн 15 дугаар тогтоолоор Өмнөговь аймгийн Ханбогд суманд үерийн далан, сувгийн зураг төсөл төслийн санхүүжилтийг батлав.
• “Говийн Оюу хөгжлийг дэмжих сан”-ийн 2019 оны 1 дүгээр сарын 24- ний өдрийн 02 дугаар тогтоолоор Өмнөговь аймгийн Ханбогд суманд үерийн далан, суваг барих төслийг санхүүжүүлэхээр дэмжиж төслийн санхүүжилтийг батлав.
• Зураг төслийн Гидроком байгууламж ХХК үерийн далангийн зураг төсвийг гүйцэтгэж захиалагчид хүлээлгэж өгсөн.
• Үерийн даланг “Арц суварга” ХХК барьж захиалагчид хүлээлгэж өгсөн

ТӨСӨЛ ХЭРЭГЖСЭНЭЭР ХҮРЭХ  ҮР ДҮН

• Сумын төвд оршин суудаг 5500 орчим иргэдийн эрүүл, аюулгүй орчинд ажиллаж, амьдрах нөхцөл бүрдэнэ.
• Байгалийн гэнэтийн, давагдашгүй хүчин зүйл болох үер усны аюулаас иргэдийн амьдрах орчин, амь нас, өмч хөрөнгийг хамгаална.
• Төслийн хугацаанд орон нутагт 10-25 ажлын байр бий болно.