ТӨСЛИЙН ҮНДЭСЛЭЛ:
     Сургуулийн өмнөх боловсролын сургалтын модуль нь хүүхдийн төрөлхийн бие бялдар, авъяас чадваруудыг хөгжүүлэх, нийгмийн харилцаанд оролцох, сургуульд суралцах суурийг тавьдаг. Аливаа тоглоомыг сургалтын журамд үндэслэн хийдэг бөгөөд хамгийн жижиг тоглоом хүртэл хүүхдийн аль нэг чадварыг хөгжүүлж байдаг. Сурган хүмүүжүүлэгчдэд хүүхдийн чадварыг хөгжүүлэхэд зориулагдсан тоглоомууд хангалттай байх шаардлагатай. Өмнөговь аймгийн Баян-Овоо сумын 19-р цэцэрлэгийн бага бүлгийн хүүхдүүдийн сурч хүмүүжих таатай орчинг бүрдүүлэх, тоглоомоор хангах хэрэгцээ байсан. Учир нь цэцэрлэгт байгаа тоглоом нь тухайн бүлгийн хүүхдүүдэд хүрэлцээ муутай, тухайн насны хүүхдийн оюун сэтгэхүйн онцлогт тохирсон тоглоом багатай, ихэвчлэн хуванцар, нийлэг эдээр хийгдсэн тоглоомууд байдаг нь бага насны хүүхдийн эрүүл мэндэд сөрөг үр нөлөөтэй юм.
 

ТӨСЛИЙН ЗОРИЛГО:
     19-р цэцэрлэгийн бага бүлгийн элсэн суралцагч хүүхдүүдийг нас насных нь онцлогт тохирсон, оюун ухаан, сэтгэхүйг хөгжүүлэх эко тоглоомоор хангах зорилготой.
 

ТӨСЛИЙН ХҮРЭЭНД ХИЙГДЭХ АЖИЛ:
     Цэцэрлэгийн бага бүлгийн хүүхдэд тохирсон бие бялдар, авхаалж самбаа, мэдрэмж хөгжүүлэх, тоо тоолол, дүрс сурах өрж байгуулах, эвлүүлэх зэрэг эко тоглоомоор цэцэрлэгийн ангийг тохижуулна.
 

ТӨСЛИЙН ҮР ӨГӨӨЖ:

• Цэцэрлэгийн бага бүлгийн суралцагчдын сурч боловсрох орчинд байгаа тоглоомыг эко тоглоомоор солино.
• Нас, сэтгэхүйн онцлогт тохирсон тоглоомтой болно.
• Стандартын шаардлага хангаагүй тоглоомоор тоглохоо больсноор эрүүл мэндэд нь эерэг нөлөөтэй.

ТӨСЛИЙН ХЭРЭГЖИЛТ, ҮР ДҮН:

• Бага бүлгийн хүүхдийн нас, сэтгэхүйд тохирсон эко тоглоом нийлүүлсэн.
• Баян-Овоо сумын цэцэрлэгийн багачуул энэхүү хөтөлбөрийн үр шимээр 64 нэр төрлийн 117 шинэ тоглоом хэрэглэгдэхүүнтэй болсон.