ТӨСЛИЙН ҮНДЭСЛЭЛ:
     Сүүлийн жилүүдэд Баян-Овоо сумын хэмжээнд цасан шуурга, ган, зуд, шороон шуурга, үер, зуд, ган тохиож байна. 2018 онд говийн бүс нутаг болон Баян-Овоо сумын хэмжээнд аадар бороо асар их орж үер усны аюул удаа дараа нөмөрч, мөн хүчтэй цасан болон шороон шуурга 3 удаа, объектын болон ахуйн гал түймэр 2 удаа тус тус болсон. Дээрх гамшгийн улмаас 1 хүн төөрч осгон эрсдэж, 500 орчим мал хорогдож, 30 орчим сая төгрөгийн эд материалын хохирол учирсан. Гал усны ямар ч гамшиг тохиолдоход гамшгийн үеийн авран хайх, эрэл хайгуулын арга хэмжээг зохион байгуулах, унтраах хор хохиролыг багасгахад техник хэрэгсэл, тоног төхөөрөмжийн хүрэлцээ хангамж хамгаас чухал байдаг. Сумын иргэдэд төрийн болон нийтийн үйлчилгээ үзүүлдэг байгууллагуудыг гал унтраах багаж хэрэгслээр хангах нь энэхүү зорилтын нэг хэсэг юм.
 

ТӨСЛИЙН ЗОРИЛГО:
      Баян-Овоо сумын хэмжээнд тохиолдож болзошгүй гамшиг осол, онцгой байдлын үед гамшгийн аюулаас урьдчилан сэргийлэх, аврах, хор уршгийг арилгах үйл ажиллагаанд шаардлагатай техник, хэрэгслээр сумын Онцгой байдлын комиссыг хангахад оршино.
 

ТӨСЛИЙН ХҮРЭЭНД ХИЙГДЭХ АЖИЛ:
     Гамшиг ослын үед хэрэглэгдэх багаж хэрэгсэл, онцгой байдлын үеийн бэлэн байдлыг хангах хэрэглэгдэхүүнийг нийлүүлэх, байрлуулах.
 

ТӨСЛИЙН ҮР ӨГӨӨЖ:

• Гамшиг ослын үед ажиллах бэлэн байдал хангагдана. Хор хохирлыг шуурхай бууруулахад ахиц гарна.
• Сумын нийт 1800 орчим иргэд учирч болзошгүй гамшиг ослоос сэргийлэх, хор хохирлыг шуурхай бууруулах, эрсдэл багатай даван туулах боломжоор хангагдана.

ТӨСЛИЙН ХЭРЭГЖИЛТ, ҮР ДҮН:

• Камер, дрон, галын хор, галын хөнжил, анхны тусламжийн эмийн сан зэрэг 5 нэр төрлийн 37 ширхэг хэрэгслийг онцгой байдлын газарт хүлээлгэн өгсөн.
• Албан байгууллага бүрт галын хор байрлуулсан.
• Ингэснээр иргэдийн амь нас, эрүүл мэнд, нийтийн болон иргэд, байгууллагын өмч хөрөнгийг гал түймрийн аюул эрсдэлээс хамгаалах, урьдчилан сэргийлэх бодит хэрэгсэл болж, энэ төрлийн аюул учирсан үед хохирол багатай даван туулах боломж бүрдсэн.