ТӨСЛИЙН ҮНДЭСЛЭЛ:
      Баян-Овоо сумын иргэдийн ахуйн хэрэглээндээ ашигладаг ус нь хатуулаг ихтэй, эрдэстэй байдаг учир ундны усны хэрэглээнд зохимжгүй, удаан хугацаанд хэрэглэснээр эрүүл мэндэд эрсдэл учруулж болзошгүй. Тиймээс сумын иргэдийг цэвэршүүлэн шүүсэн усаар хангаснаар дээрх эрсдэлээс урьдчилан сэргийлэх юм.
 

ТӨСЛИЙН ЗОРИЛГО:
     Баян-Овоо сумын иргэдийн хэрэгцээнд нийцүүлэн газрын гүний усыг тусгай шүүлтүүрээр шүүж савлан сумын иргэдэд нийлүүлэх юм.
 

ТӨСЛИЙН ХҮРЭЭНД ХИЙГДЭХ АЖИЛ:
     Сумын тариалангийн талбайд байрлах гүний усны цооногийг түшиглэн цэвэр усны үйлдвэр байгуулан усыг цэвэршүүлэн савласан цэвэр ус үйлдвэрлэнэ.
 

ТӨСЛИЙН ҮР ӨГӨӨЖ:

• Сумын 606 өрхийн 1758 иргэн ундны цэвэршүүлсэн усаар хангагдана.
• Цэвэр усны үйлдвэр байгуулагдсанаар орон нутаг дахь хоршооны бааз бэхжиж, үйлдвэрлэл эрхлэх боломжоор хангагдана.

ТӨСЛИЙН ХЭРЭГЖИЛТ, ҮР ДҮН:

• Баян-Овоо сумын ногооны талбайн гүний усны цооногт түшиглэн цэвэр усны үйлдвэр байгуулсан. Уг үйлдвэр нь цагт 1 тонн усыг цэвэршүүлэх хүчин чадалтай. Цэвэршүүлсэн усаа 19 литрийн савалгаатайгаар үйлдвэрлэж байна.
• 1 ажлын байр шинээр бий болсон.
• Сумандаа үйлдвэрлэх шинэ бүтээгдэхүүнтэй болсон.