ТӨСЛИЙН ҮНДЭСЛЭЛ:
     Өмнөговь аймгийн Манлай суманд газар тариалан эрхэлдэг иргэн, аж ахуй нэгжүүдийн тарьж ургуулсан хүнсний ногоо, жимсийг чанар стандартын шаардлагын дагуу зориулалтын хөргүүртэй авто машинаар сумын ард иргэд болон зэргэлдээх сумдын хэрэглэгчид, уул уурхайнуудад хүргэж үйлчлэхээс гадна иргэдийг хүнсний ногоо тариалалд сургах, энэ төрлийн үйл ажиллагаа эрхлэх боломжоор хангахад энэхүү хөтөлбөр дэмжлэг үзүүлэх юм.

ТӨСЛИЙН ЗОРИЛГО:

• Тариалан эрхлэх сонирхолтой болон тэтгэврийн насны иргэдийг ажлын байраар хангах, тэдний орлогын эх үүсвэрийг нэмэгдүүлэх,
• Сум орон нутагтаа борлуулалт хийж сумын иргэдийг эрүүл хүнсээр хангах

ТӨСЛИЙН ХҮРЭЭНД ХИЙГДЭХ АЖИЛ:

• Зориулалтын хөргүүртэй чингэлэгтэй автомашин худалдан авах
• Зуны хүлэмж авах

ТӨСЛИЙН ҮР ӨГӨӨЖ:

• Газар тариалан эрхэлдэг өрх, аж ахуй нэгжүүдийн амжиргааны түвшин нэмэгдэж, сумын иргэд эрүүл хүнсээр хангагдана.
• Орон нутагт үйлдвэрлэсэн бараа бүтээгдэхүүний тоо нэмэгдэж бусад сум, уул уурхайнуудад бүтээгдэхүүн нийлүүлнэ.
• Ажлын байр нэмэгдэнэ.

ТӨСЛИЙН ХЭРЭГЖИЛТ, ҮР ДҮН:

• Бонго 3 загварын хөргүүртэй автомашин авсан.
• Шинээр 1 ажлын байр бий болсон.
• Орон нутгийн ногоочид ургуулсан хүнсний ногоогоо хугацаа алдахгүйгээр зах зээлд чанарын шаардлага хангасан тээвэрлэлтээр нийлүүлснээр тэдний орлого нэмэгдэх боломж бүрдсэн.