ТӨСЛИЙН ҮНДЭСЛЭЛ:
     Дэлхийн эрүүл мэндийн байгууллага, Монгол улсын Эрүүл мэндийн яамнаас хүүхдийг эхний 6 сар зөвхөн хөхөөр хооллохыг зөвлөдөг. Хүүхэд 4-6 сартайдаа нэмэлт хоол идэхэд бэлэн болдог бөгөөд энэ үед нь шим тэжээлтэй хоолоор хооллох нь чухал юм. Энэ үед нь хүүхдийг хангалттай хооллохгүй, эсвэл хооллосон ч шим тэжээл багатай бол хүүхдийн өсөлтөнд сөргөөр нөлөөлдөг.
      Хүүхдийг эрүүл чийрэг, өсөлтийг дэмжих зорилгоор Манлай суманд 2018 онд “Говийн Оюу хөгжлийг дэмжих сан”-ийн дэмжлэгээр “Эрүүл хүүхэд” хөтөлбөрийг хэрэгжүүлж сумын төвийн 6 сараас 1 нас хүртэл насны 45 хүүхдийг хамруулсан. Хөтөлбөрт хамрагдсан иргэдийн дунд хэлэлцүүлэг хийж, судалгаа авсан ба хөтөлбөрийн үр дүнд сэтгэл хангалуун байгаа, хөтөлбөрийг үргэлжлүүлэн хэрэгжүүлэхийг хүссэн, саналаа илэрхийлсэн.
 

ТӨСЛИЙН ЗОРИЛГО:
     Эрүүл хүүхэд хөтөлбөрийн хүрээнд 6 сараас 1 насны хүүхдүүдэд сүү, тарагаар хангаж байсан бол Эрүүл хүүхэд-2 хөтөлбөрийн хүрээнд 6 сараас 1 нас 6 сар хүртэлх хүүхдүүдийг хамруулан зорилготой байна.

 

ТӨСЛИЙН ХҮРЭЭНД ХИЙГДЭХ АЖИЛ:
      Манлай сумын хүүхдүүдийг өдрийн 250мл үхрийн сүү, тарагаар хангана.
 

ТӨСЛИЙН ҮР ӨГӨӨЖ:

• Нэмэгдэл хоолонд орж буй хүүхдүүдэд олгож буй сүү, тараг нь хоол тэжээлийн дутагдлаас сэргийлнэ.
• Хүүхдийн өсөлт хэвийн явагдахад дэмжлэг үзүүлнэ.
• Суурь өвчлөлөөс сэргийлэхэд дэм болно.
• Орон нутгийн фермерийн үйл ажиллагаанд дэмжлэг үзүүлнэ.
   

ТӨСЛИЙН ХЭРЭГЖИЛТ, ҮР ДҮН:

• Манлай суманд фермерийн аж ахуй эрхэлж буй иргэдээс үнээний цэвэр сүү авч тараг бүрэн зорилтот насны хүүхдүүдэд нэмэлт хоолны төрлийг нэмэн олгож байна.
• Ингэснээр хүүхдүүд эрүүл чийрэг өсч бойжих нөхцөл бүрдэн зорилтод бүлгийн ээжүүдэд хүүхдээ өсгөхөд дэмжлэг болсон