ТӨСЛӨӨР ХИЙГДСЭН АЖЛУУД:

1. Барилга угсралтын ажил: “Билэгт багана” ХХК, 1,084,618,739 төгрөг
2. Гадна шугам сүлжээний ажил: “Билэгт багана” ХХК, 195,526,745 төгрөг
3. Барилгын зураг төсөв:  NCCS ХХК, И эн Си Дизайн ХХК , 34,712,585 төгрөг 

4. Сум дундын малын эрүүл мэндийн төвийн тоног төхөөрөмж: “Билэгт багана ХХК” ХХК, 137,887,500 төгрөг                                                                                                                                                                                        

ТӨСЛИЙН ҮНДЭСЛЭЛ, ХЭРЭГЦЭЭ ШААРДЛАГА:

Сүүлийн жилүүдэд улсын хэмжээгээр малын тоо толгой эрс нэмэгдэж байна. Өмнөговь аймгийн статистикийн тоо мэдээнээс харахад сүүлийн 5 жилд малын тоо толгой 1 саяар нэмэгдэж 2017 оны жилийн эцсийн байдлаар 2.6 сая мал тоолуулжээ. Дээрх нөхцөл байдалтай холбоотой бэлчээрийн даац хэтрэх, малын халдварт өвчлөл нэмэгдэх, үүлдэр угсаа нь муудаж ашиг шим нь буурах улмаар мал аж ахуйгаас үйлдвэрлэх бүтээгдэхүүний чанар муудах зэрэг тулгамдсан асуудлууд гарсаар байна

ТӨСЛИЙН ХҮРЭЭНД ХИЙСЭН АЖИЛ

Ханбогд сумын төвд малын эрүүл мэндийн төвийн барилга, 4 машины граж, 4 айлын ажилчдын сууц, малын саравч, хашаа зэргийг барьж байгуулан тус төвд шаардлагатай 133 нэр төрлийн лабораторийн багаж тоног төхөөрөмж, оффиссын тавилга хэрэгсэл нийлүүлсэн.

ТӨСЛИЙН ҮР ӨГӨӨЖ

• Өмнөговь аймгийн Ханбогд, Манлай, Баян-овоо, Цогтцэций сумдын 1554 малчин өрх төдийгүй хил залгаа аймгийн малчид мал эмнэлгийн тусламж үйлчилгээ авах  бололцоотой болно
• Малчдын малын эрүүл мэнд, чанарын талаарх мэдлэгийг дээшлүүлэх, мал маллагааны удирдлага сайжирна
• Мал эмнэлгийн үйчилгээ сайжирна
• 4 сумдад эмнэлэг барихад гарах давхардсан зардал багасна
• Хүнсний аюулгүй байдлын талаарх ойлголт нэмэгдэнэ
• Тус төв нь мал эмнэлэг, үржүүлэг, лабораторийн үйлчилгээ үзүүлж Өмнөговь аймгийн зүүн бүсийн 4 сумын малын эрүүл мэнд, чанар сайжирна
• Ханбогд суманд шинээр 4-5 ажлын байр нэмэгдэнэ