ТӨСЛИЙН ҮНДЭСЛЭЛ:

Ханбогд сумын 640 хүүхдийн сургууль, 200 хүүхдийн цэцэрлэгийн барилгын зураг төсөвт урлагийн заал, номын сан болон бусад өрөөнд халаалтын систем бүрэн төлөвлөөгүйн улмаас хүйтний улиралд сургууль, цэцэрлэгийн халаалт хангалтгүй байсан. Мөн шилэн гэгээвчийг өөрчлөхгүй бол говийн нөхцөлд тохиромжтой бус, бороо цасны ус гоожиж, барилгын ашиглалтын горимыг алдагдуулж байсан учир сургууль, цэцэрлэгийн хэвийн үйл ажиллагааг хангаж, сургалтын ая тухтай орчин нөхцөлийг бүрдүүлэх хэрэгцээ шаардлагатай байсан.

ТӨСЛИЙН ЗОРИЛГО: 

• Урлагийн заал, номын сан болон бусад өрөөнүүдийн халаалтын системийг шийдвэрлэх
•  Шилэн гэгээвчийг өөрчилж цас борооны үед ус гоождоггүй болгох

ТӨСЛИЙН ХЭРЭГЖИЛТ:

• “Говийн оюу хөгжлийг дэмжих сан”-ийн Удирдах зөвлөлийн 2019 оны 12 дугаар сарын 11-ны өдрийн 14 дүгээр тогтоолоор “Ханбогд сумын сургууль цэцэрлэгийн цогцолборын халаалт, дээвэр, шилэн гэгээвчийн нэмэлт ажил” төслийг санхүүжүүлэхээр дэмжиж санхүүжилтийг батлав.
•  Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Биндэр алтай оюу” ХХК, санхүүжүүлэгч “Говийн оюу хөгжлийг дэмжих сан” санхүүжилтийн гуравласан гэрээг байгуулснаар барилга угсралтын ажлыг эхлүүлэв.
•  Ханбогд сумын 640 хүүхдийн сургууль, 200 хүүхдийн цэцэрлэгийн барилгын халаалтгүй өрөөнүүдэд халаах хэрэгсэл байрлуулсан, дээврийн шилэн гэгээвчийн хийцлэлийг өөрчилж цас, борооны ус гоождоггүй болгосон.
•  2020 оны 08 дугаар сарын 10-нд улсын комисс ажиллаж төслийн ажлыг хүлээж авсан.

ҮР ДҮН:

• Ханбогд сумын 29-р цэцэрлэгийн 280 хүүхэд, 29 багш ажилчид, 2-р сургуулийн 708 сурагч, 55 багш ажилчдын сурах, ажиллах орчин нөхцөл сайжирсан.
•  Сургууль цэцэрлэгийн халаалт бүрэн шийдвэрлэгдсэн. Бороо цасны ус, барилгын ашиглалт бүрэн шийдэгдэж, багш, сурагч, ажилчдын тав тухтай орчин бий болсон.