ТӨСЛИЙН ҮНДЭСЛЭЛ:

Цогт-Овоо суманд 2020 оны жилийн эцсийн байдлаар албан ёсны бүртгэлтэй 1896 хүн ам тоологдсон бөгөөд засаг захиргааны анхан шатны нэгж болсон 4 багтай сум юм. Мөн тус сум нь Өмнөговь аймгийн төвөөс Улаанбаатар хот орох улсын чанартай төв засмал замын дагуу байршилтайгаас шалтгаалан орон нутгийн иргэд, уул уурхайн ажилчид, гадаад дотоодын аялагч гэх мэт зорчин өнгөрөх иргэдийн тоо харьцангуй ихтэй байдаг тул ердийн сумын эмнэлгээс илүү ачаалалтай ажилладгаас гадна гэнэтийн осол аваарын үед үзүүлэх анхан шатны яаралтай тусламж үйлчилгээний хүртээмж маш муу байдаг. Тус сумын эрүүл мэндийн төв нь 16 ажилтан, 9 ортойгоор эрүүл мэндийн анхан шатны тусламж үйлчилгээ үзүүлдэг. Эрүүл  мэндийн төвийн барилга нь 2007 онд ашиглалтад орсон 9 ортой тул өрөө тасалгаа, орны тоо хүрэлцдэггүй, эрүүл мэндийн анхан шатны үйлчилгээний стандарт хангагдаагүй, эмнэлгийн дотоод халдвар дамжих эрсдэл өндөр, яаралтай тусламж үйлчилгээний үед хүлээлт, дараалал ихтэй зэрэг олон хүндрэлтэй асуудал тулгардаг байсан.

ТӨСЛИЙН ЗОРИЛГО:

Стандартын шаардлага хангасан эмнэлгийн барилга барьж иргэдэд чанар, хүртээмжтэй эрүүл мэндийн тусламж үйлчилгээ үзүүлэх болон эмч, эмнэлгийн ажилтнуудын ажиллах орчин нөхцөлийг сайжруулах.

ТӨСЛИЙН ХЭРЭГЖИЛТ:

• “Говийн оюу хөгжлийг дэмжих сан”-ийн Удирдах зөвлөлийн 2021 оны 04 дүгээр сарын 16- ны өдрийн 05 дугаар тогтоолоор “Цогт-Овоо сумын 15 ортой эрүүл мэндийн төвийн барилга” төслийг 3,106,754,176 төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Эвт цахирал” ХХК, санхүүжүүлэгч “Говийн оюу хөгжлийг дэмжих сан” санхүүжилтийн гуравласан гэрээг байгуулснаар барилга угсралтын ажлыг эхлүүлэв.
• “Говийн оюу хөгжлийг дэмжих сан”-ийн Удирдах зөвлөлийн 2023 оны 03 дугаар тогтоолоор “Цогт-Овоо сумын 15 ортой эрүүл мэндийн төвийн барилга барих” төслийн материалын үнийн өсөлтийн зөрүү, нэмэлт ажлыг санхүүжүүлэхээр 911,650,355 төгрөг батлав.
• 2023 оны 11 сарын 16-нд барилга ашиглалтад оруулах комиссын дүгнэлт гарч Цогт-Овоо сумын эрүүл мэндийн төв барилгыг ашиглалтад шилжүүлэв

ҮР ДҮН:

• Цогт-Овоо сум стандартын шаардлага хангасан эмнэлгийн барилгатай болсон.
• Эрүүл мэндийн үйлчилгээний төрөл, чанар, хүртээмж дээшилнэ.
• Эрүүл мэндийн үйлчилгээний орчин нөхцөл сайжирна.
• Эмч, эмнэлгийн ажилтнууд ая тухтай орчинд ажиллана.
• Эмч, ажилчдын ажлын бүтээмжид эерэг нөлөө үзүүлнэ.