ТӨСЛИЙН ҮНДЭСЛЭЛ:
Булган сумын ерөнхий боловсролын сургууль нь 1953 онд байгуулагдсан, 2021 онд Өмнөговь аймгийн 21 аймгийн ерөнхий боловсролын сургуулиудаас шилдэг сургуулиар тодорсон амжилттай сургууль юм. Тус сургууль 2023-2024 оны хичээлийн жилд нийт 34 багш, ажилчид, 205 сурагчтайгаар үйл ажиллагаа явуулж байна. Сургуулийн нийт сурагчдын 47.3% нь малчин өрхийн хүүхэд, бол сургуулийн дотуур байранд нийт сурагчдын 23.4% нь байрлан суралцаж амьдарч байна. Үүнээс 6 настай сурагч 2, 7 настай сурагч 7 зэрэг бага ангийн нийт 23 сурагч, дунд ангийн нийт 25 сурагч байна.
Булган сумын сургууль, дотуур байрны гадна, дотор тохижилт, орчин нөхцөл ая тухтай хэдий ч дотуур байранд хүүхэд хөгжүүлэхэд шаардлагатай гарын авлага, тоног төхөөрөмж муу байгаагаас шалтгаалан сургалт зохион байгуулах боломж тааруухан байгаа тул хүүхэд хөгжлийн өрөө тохижуулах хэрэгцээ үүсэж байна.
ТӨСЛИЙН ЗОРИЛГО:
Булган сумын ерөнхий боловсролын сургуулийн дотуур байранд хүүхэд хөгжлийн өрөө тохижуулж сурагчдыг нас насны онцлогтоо таарсан хөгжүүлэх материал судалж өсөж хөгжих боломж, нөхцөл бий болгох.
ТӨСЛИЙН ХҮРЭЭНД ХИЙГДСЭН АЖИЛ:
Булган сумын ерөнхий боловсролын сургуулийн дотуур байрны хүүхэд хөгжлийн өрөөнд 15 нэр төрлийн 69 эд зүйлс, тоног төхөөрөмж, хэрэгслүүдийг нийлүүлж тохижилтын ажил хийсэн.
| № | Нэр төрөл | Тоо ширхэг |
| 1 | Зурагт | 1 |
| 2 | Буйдан | 1 |
| 3 | Шкаф | 1 |
| 4 | Гутлын тавиур | 2 |
| 5 | Өнгөт принтер | 1 |
| 6 | Зөөврийн компьютер | 1 |
| 7 | Зөөврийн караоке | 1 |
| 8 | Ус нэрэгч | 1 |
| 9 | Сандал | 20 |
| 10 | Хивс | 1 |
| 11 | Индүү | 1 |
| 12 | Угаалгын машин | 1 |
| 13 | Сэтгүүлийн тавиур | 1 |
| 14 | Сэтгэхүй хөгжүүлэх материал | 35 |
| 15 | Тоглоомууд | 1 |
ТӨСЛИЙН ҮР ДҮН:
- Булган сумын ерөнхий боловсролын сургуулийн дотуур байранд байрлан суралцдаг хүүхдүүд тав тухтай орчинд хөгжих, суралцах боломж бүрдсэн.
- Дотуур байрны багш нар сурагчдын чөлөөт цагаар сургалт зохион байгуулах, хүүхэд хөгжлийн ажлыг тав тухтай орчинд зохион байгуулах ажил хийх боломжтой болсон.