ТӨСЛИЙН ҮНДЭСЛЭЛ:
Өмнөговь аймгийн төв Даланзадгад сум нь 2023 оны жилийн эцсийн байдлаар албан ёсны бүртгэлтэй 32,053 хүн амтай, 10 багтай. Аймгийн төвийн бүх орон сууц (57), цэцэрлэг (10), сургууль (6)-ийн барилгын гадна дээврийн хүрээгээр туузан гэрэлтүүлгийг суурилуулж орчны гэрэлтүүлгийг сайжруулахаар төслийг санаачилсан.

ТӨСЛИЙН ЗОРИЛГО:

Даланзадгад сумын ард иргэдийн амьдрах орчин нөхцөлийг сайжруулах, гэрэлтүүлгийг нэмэгдүүлж аюулгүй орчныг бий болгох зорилготой.

ТӨСЛИЙН ХЭРЭГЖИЛТ:

• “Даланзадгад сумын сургууль, цэцэрлэг, нийтийн орон сууцны гэрэлтүүлэг, гэрлэн чимэглэл” төслийг “Говийн оюу хөгжлийг дэмжих сан”-ийн Удирдах зөвлөлийн 2024 оны 02 дугаар тогтоолоор 1,500,000,000 төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Вилла бридж” ХХК, санхүүжүүлэгч “Говийн оюу хөгжлийг дэмжих сан” санхүүжилтийн гуравласан гэрээг байгуулснаар төслийг эхлүүлэв.
• 2024-12-24-нд Өмнөговь аймгийн Засаг даргын захирамжаар томилогдсон Улсын комисс “Даланзадгад сумын сургууль, цэцэрлэг, нийтийн орон сууцны гэрэлтүүлэг, гэрлэн чимэглэл” -ийн ажлыг байнгын ашиглалтад хүлээн авсан.

ҮР ДҮН:
Даланзадгад хотын шөнийн өнгө үзэмж нэмэгдэж иргэд гэрэлтэй аюулгүй орчинд амьдрах нөхцөл сайжирч, гэмт хэрэг, зөрчлийн тоо буурахад эерэг дэмжлэг болно.