ТӨСЛИЙН ҮНДЭСЛЭЛ:

Даланзадгад сумын дэд станцын трансформатор 2*10 МВА чадалтай ба нийт суурилагдсан 20МВА чадалтай. 2023-2024 оны өвлийн улиралд өмнөд бүсийн цахилгаан эрчим хүчний ачаалал 20 МВА-с хэтэрч зарим хэрэглэгчийг хязгаарлаж ажилласан ба 2024-2025 онд цахилгаан эрчим хүчээр хэвийн хангах боломжгүй байсан. Иймд тус аймгийн цахилгаан эрчим хүчний үндсэн эх үүсвэр болсон 110/35/10 кВ-н Даланзадгад дэд станцын трансформаторын хүчин чадлыг нэмэгдүүлэх зайлшгүй нөхцөл үүссэн.

ТӨСЛИЙН ЗОРИЛГО:

Өмнөговь аймгийн 6 суманд шаардлагатай эрчим хүчний хүчин чадлыг ойрын 5-6 жилийн хугацаанд найдвартай болгох.

ТӨСЛИЙН ХЭРЭГЖИЛТ:

• “Даланзадгад дэд станцын хүчний трансформаторын хүчин чадал нэмэгдүүлж солих” төслийг “Говийн оюу хөгжлийг дэмжих сан”-ийн Удирдах зөвлөлийн 2024 оны 02 дугаар тогтоолоор 1,500,000,000 төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Цахилгаан дамжуулах үндэсний сүлжээ”ТӨХК, санхүүжүүлэгч “Говийн оюу хөгжлийг дэмжих сан” санхүүжилтийн гуравласан гэрээг байгуулснаар төслийг эхлүүлэв.
• 2024-12-25-нд Өмнөговь аймгийн Засаг даргын захирамжаар томилогдсон Улсын комисс “Даланзадгад дэд станцын хүчний трансформаторын хүчин чадал нэмэгдүүлж солих” ажлыг байнгын ашиглалтад хүлээн авсан.

ҮР ДҮН:

Даланзадгад, Ханхонгор, Хүрмэн, Баяндалай, Номгон, Булган сумд эрчим хүчний найдвартай эх үүсвэрээр хангагдана.