ХӨТӨЛБӨРИЙН ҮНДЭСЛЭЛ:
       Ханбогд сумын онцлогтой үндэсний гар урлал, ингэний цагаан идээ гээд өвөрмөц бүтээл, бүтээгдэхүүн олон байдаг тул Ханбогдын брэндийн багцыг бий болгох нь олон эерэг нөлөөтэй юм. Сумын эрүүл хүнс үйлдвэрлэгч иргэдийн өрхийн үйлдвэрлэлийг дэмжин, тэдний тулгамдсан асуудлыг шийдвэрлэхэд дэмжлэг өгөх, өрхийн орлогыг нь нэмэгдүүлэхийн тулд үйлдвэрлэсэн бүтээгдэхүүнд стандартад нийцсэн дизайн, хийц савлагаатай ”ХАНБОГД-БРЭНД БАГЦ”-ыг зах зээлд гаргах боломжуудыг судалж, нутгийн “Брэнд”-ийг тодорхойлон танилцуулж  баталгаажуулах цаашид зах зээлд гаргах боломжийг нээх юм.

ХӨТӨЛБӨРИЙН ЗОРИЛГО:
       Ханбогд сумын эко бүтээгдэхүүн үйлдвэрлэгчид, өрхийн үйлдвэрлэгч, иргэн хувь хүмүүс олон байдаг ч тэдэнд бүтээгдэхүүнээ борлуулах, зах зээлд нэвтрэх боломж нь бага байдаг тул тэднийг нэгтгэн, тулгамдсан асуудлыг шийдэлд хүргэж, өнөөгийн хэрэгцээ шаардлагад нийцсэн загвар дизайн, хийц савлагаатай ”ХАНБОГД-БРЭНД БАГЦ”-ыг бий болгон зах зээлд гаргах замаар ЖДҮ, өрхийн үйлдвэрлэгчид, иргэн хувь хүмүүс, малчдын өрхийн орлогыг нэмэгдүүлэх

ХӨТӨЛБӨРИЙН ХҮРЭЭНД ХИЙГДЭХ АЖИЛ:
       Ханбогд сумын өрхийн үйлдвэрлэгч, малчин, хөгжлийн бэрхшээлтэй 21 иргэнийг чадавхжуулах сургалтад хамруулж тэдний өөрийн гараар үйлдвэрлэсэн бүтээгдэхүүнийг брэнд багцын баглаа, боодол, шошготой болгоно.

ХӨТӨЛБӨРИЙН ҮР ДҮН:
       Иргэд сургалтад хамрагдаж зах зээлд борлуулж өрхийн орлогоо нэмэгдүүлэх талаар мэдлэг, мэдээлэлтэй болох ба тэд өөрийн үйлдвэрлэсэн бүтээгдэхүүнээ эрүүл ахуйн стандартын шаардлага хангасан сав, баглаа, боодол, тодорхой гарал үүслийн шошготой болгоно.