ХӨТӨЛБӨРИЙН ҮНДЭСЛЭЛ:
      2018 онд ”Говийн оюу хөгжлийг дэмжих сан”-ийн санхүүжилтээр Ханбогд суманд “640 хүүхдийн сургууль, 200 хүүхдийн цэцэрлэгийг цогцолбор барилга ашиглалтад орж Ханбогд сумын 2-р сургууль, 29-р цэцэрлэгүүд үйл ажиллагаагаа явуулж эхэлсэн. 2021 оны байдлаар 2-р сургууль нь 794 хүүхэдтэй, 56 багш ажилчидтайгаар үйл ажиллагаа явуулж байна. Тус сургууль нь байгуулагдаад удаагүй тул номын сан нь номын төрөл, тоо цөөхөнтэй, дотор тохижилтоо хийж амжаагүй байсан.
 

ХӨТӨЛБӨРИЙН ЗОРИЛГО:

• Сургуулийн номын санг багш, эцэг эх, хүүхэд багачуудын хүсэл сонирхол, шаардлагад нийцсэн ном товхимол, гарын авлага материалаар баяжуулж, хүүхэд хөгжих таатай орчин бүрдүүлэн, хүүхдийн ном унших сонирхлыг төрүүлэх булан байгуулах
• Номын сангийн уншлагын танхимын хэсгийн орчин бүрдүүлэн тохижуулах
• Шаардлагатай техник хэрэгслийг авч хүүхдүүд ашиглахад тохиромжтойгоор байрлуулах
• Бага дунд ахлах ангийн заавал унших ном, уран зохиол, танин мэдэхүй, хувь хүний хөгжлийн чиглэлийн гэх мэт ном товхимол, гарын авлагууд худалдан авч сургуулийн номын сангийн нөөцийг сайжруулах

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Ханбогд сумын Ерөнхий боловсролын 2-р сургуулийн номын санд 240 ширхэг ном, гарын авлага, 13 ширхэг техник хэрэгсэл, тавилга нийлүүлсэн.
 

ХӨТӨЛБӨРИЙН ҮР ДҮН:
      Ханбогд сумын 2-р сургуулийн номын санг багш, эцэг эх, хүүхэд багачуудын хүсэл сонирхол, шаардлагад нийцсэн ном товхимол, гарын авлага материалаар баяжуулж, хүүхэд хөгжих таатай орчин бүрдүүлж хүүхдийн ном унших сонирхлыг төрүүлэх булантай болсон.