Даланзадгад сумын Гурван сайхан хорооллын 200 хүүхдийн цэцэрлэгийн барилга

Даланзадгад сумын Гурван сайхан хорооллын 200 хүүхдийн цэцэрлэгийн барилга

ТӨСЛИЙН ҮНДЭСЛЭЛ:
     Даланзадгад сумын шинэ суурьшлын бүсийн хамран сургах тойргийн сургуулийн өмнөх насны хүүхдүүдийг цэцэрлэгт бүрэн хамруулж чадахгүй байгаа, зарим хүүхдүүдийн хамрагдаж буй цэцэрлэг гэрээс нь 4-6 км хол байрлалтай байдаг нь хүүхэд, гэр бүлд бэрхшээлтэй байдаг. 2019 оны байдлаар Даланзадгад сумын Гурван сайхан, Нисэх, Баруун сайхан хорооллын хойд тал, Төгөл зэрэг алслагдсан гэр хороололд цэцэрлэгийн насны 300 хүүхэд бүртгэлтэй байсан. Улсын стандартаар цэцэрлэгийн нэг ангид 25 хүүхэд хамрагдах ёстой байтал Даланзадгад сумын бүх цэцэрлэгийн дундаж анги дүүргэлт 40 хүүхэдтэй мөн 2020 оны байдлаар дээрх хорооллуудын 136 хүүхэд цэцэрлэгт хамрагдаж чадахгүй байгаа зэрэг нь сургуулийн өмнөх боловсролын үйл ажиллагааг хүүхэд бүрд тэгш, хүртээмжтэй явуулах нөхцөл тааруу байгааг өөрчилж хүүхэд бүрийг цэцэрлэгт хамруулах боломжоор хангах шаардлагатай байсан.


 


ТӨСЛИЙН ЗОРИЛГО:

  • Даланзадгaд сумын сургуулийн өмнөх боловсролын үйл ажиллагааг хүүхэд бүрд тэгш, хүртээмжтэй явуулахад дэмжлэг болох.
  • Даланзадгад сумын Гурван сайхан хороололд 200 хүүхдийн цэцэрлэгийн барилга барина.

ТӨСЛИЙН ХЭРЭГЖИЛТ:

  • “Даланзадгад сумын 200 хүүхдийн цэцэрлэгийн барилга барих” төслийг Говийн оюу хөгжлийг дэмжих сан”-ийн Удирдах зөвлөлийн 2020 оны 03 дугаар тогтоолоор 450,000,000 төгрөг, 2021 оны 05 дугаар тогтоолоор 1,765,485,316 төгрөг, 2022 оны 02 дугаар тогтоолоор 682,680,000 төгрөгөөр санхүүжүүлэхээр тус тус батлав. 
  • Захиалагч аймгийн ЗДТГ “Даланзадгад сумын 200 хүүхдийн цэцэрлэгийн барилга барих” ажлын гүйцэтгэгч сонгон шалгаруулж гэрээ байгуулсны дагуу захиалагч Өмнөговь аймгийн
  • ЗДТГ, гүйцэтгэгч “Ханбогд арвижих” ХХК, санхүүжүүлэгч “Говийн Оюу хөгжлийг дэмжих сан” санхүүжилтийн гуравласан гэрээг байгуулснаар барилга угсралтын ажлыг эхлүүлэв.
  • “Говийн оюу хөгжлийг дэмжих сан”-ийн Удирдах зөвлөлийн 2023 оны 03 дугаар тогтоолоор “Даланзадгад сумын 200 хүүхдийн цэцэрлэгийн барилга барих” төслийн материалын үнийн зөрүүг санхүүжүүлэхээр 595,607,955 төгрөг батлав.
  •  Өмнөговь аймгийн Засаг даргын захирамжаар томилогдсон Улсын комисс 2024-06-18-нд “Даланзадгадын 200 хүүхдийн цэцэрлэг”-ийн барилгыг байнгын ашиглалтад хүлээн авсан.

ҮР ДҮН:

  • Даланзадгад сумын цэцэрлэгийн хүртээмж нэмэгдэнэ.
  •  Анги дүүргэлтийг багасгана.
  •  Хүүхдүүд гэртээ ойрхон цэцэрлэгт хамрагдана.
  •  Сургуулийн өмнөх боловсролын хоцрогдол багасна.
  •  35 ажлын байр шинээр бий болно.
  •  Цэцэрлэгт хамрагдсан хүүхэд бүрийн тоогоор эцэг эхчүүд, асран хамгаалагч нар ажил эрхлэх боломжтой болж өрхийн орлогоо нэмэгдүүлнэ.