ХӨТӨЛБӨРИЙН ҮНДЭСЛЭЛ:
      Номгон сумын мал эмнэлгийн тасаг, нэгж нь сумын нийт 662 малчин, мал бүхий өрхийн нийт 302,862 мал, амьтанд эрүүл мэндийн болон эмнэлгийн тусламж үйлчилгээг түргэн шуурхай, чанартай хүргэж ажиллах зорилготойгоор үйл ажиллагаа явуулж байна. Эмчилгээ үйлчилгээнд сүүлийн үеийн дэвшилтэт техник технологи нэвтэрч үзүүлэх тусламж үйлчилгээ сайжирч байгаа бөгөөд хөдөө алслагдсан айл өрхөөр цахим эрүүл мэнд, цахимаар өвчтэй мал амьтан бүртгэх, цахим гарал үүсэл бичих, дээд шатны мал эмнэлэгийн газартай цахимаар холбогдох зөвлөгөө тусламж авах зэрэг олон ажлууд хийгдэж байна.
      Мөн “Малын эрүүл мэнд, Монгол мал” үндэсний хөтөлбөр хэрэгжиж, үүний хүрээнд мал угаалга, өвөлжөө, бууц ариутгал халдваргүйтгэл, мал сүргийн эрүүл мэндийн үзлэг шинжилгээ, дархлаажуулалтанд хамрагдсан мал, амьтныг цахимаар бүртгэх тайлагнах, гарал үүсэл бичих, гарал үүслийн гэрчилгээ хэвлэж олгох зэрэг ажлыг хийж байна. Малчид иргэдэд сүүлийн үеийн дэвшилтэт технологиор тусламж үйлчилгээ үзүүлэхэд эмч нар болон тасгийн мэргэжилтнүүдийн ашиглах техник хэрэгсэл хангалтгүй байгаа бөгөөд зөөврийн тоног төхөөрөмжүүд зайлшгүй шаардлагатай байгаа юм.

ХӨТӨЛБӨРИЙН ЗОРИЛГО:
      Мал эмнэлгийн тасаг, нэгжүүд зөөврийн таблет, зөөврийн компьютер болон өнгөт хэвлэгчтэй болсноор малд ямар эрүүл мэндийн үйлчилгээ үзүүлсэн талаар мэдээллийг малчин айл өрхийн гаднаас кординатаар цахим системд оруулах, гарал үүслийн гэрчилгээг байгаа газраасаа бичиж хэвлэн малчдад олгох, гарын авлага, тараах материал бэлтгэн малчдад хүргэснээр шинээр гарч байгаа мал амьтны өвчний шинж тэмдгийг малчид өөрсдөө анхлан онош тавьж малын эмчдээ мэдэгддэг, өвчнөөс урьдчилан сэргийлэх зэрэг мал эмнэлгийн тусламж үйлчилгээг хурдан шуурхай үзүүлэхэд шаардлагатай тоног төхөөрөмжөөр хангах зорилготой юм.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Номгон сумын мал эмнэлгийн тасаг нэгжид шаардагдаж буй компьютер, өнгөт принтер, таблет компьютерийг нийлүүлэн хүлээлгэн өгсөн.
 

ХӨТӨЛБӨРИЙН ҮР ДҮН:

• Малын эрүүл мэндийн анхан шатны тусламж үйлчилгээнд мобайл технологийн хэрэглээг нэмэгдүүлсэн.
• Үйлчлүүлэгчдийн хүлээгдэл багасч, сэтгэл ханамж нэмэгдэж байгаа.
• Малын эмч нарын малчин өрхөд үйлчилсэн мэдээлэл цахим системд цаг алдалгүй бүртгэгдэж, мэдээ тайлан хурдан шуурхай болно.
• Нэгжийн эмч нарын цахим систем ашиглалт сайжирсан.