ХӨТӨЛБӨРИЙН ҮНДЭСЛЭЛ:
Хөдөлгөөн нь хүүхдийн бие бялдрыг зөв тэгш хөгжүүлж сэргэлэн цовоо байхад тустай. Хүүхдийн бие бялдрын хөгжил нь тасралтгүй үргэлжилдэг үйл явц бөгөөд үндсэн суурь нь сургуулийн өмнөх насанд бүрэлддэг. Хөдөлгөөнийг амьдралын хэвшил болгосноор хүүхдийн сэтгэн бодох чадварт эергээр нөлөөлөхөөс гадна хөдөлгөөний дутагдал, түүнээс үүдэн гарах олон төрлийн өвчнөөс ангид өсөн торниход тустай.
Мөн хүүхэд урлаг, уран сайхныг сонирхож гоо зүйн мэдлэгтэй болдог ба дуу хөгжмийн хичээлээр хүүхдийн сонсгол сайжрах, хөдөлгөөний эвсэлтэй болох, хөгжмийн хэмнэл мэдрэх, сэтгэлийн хөдөлгөөнөө илэрхийлэх чадварт суралцдаг.
Номгон сумын цэцэрлэгт хамран сургах тойргийн хүүхдийн 4 бүлгийн 98 хүүхдэд дуу хөгжим, биеийн тамирын хичээл бүлэг бүрт 7 хоногт хоёр цагаар ордог бөгөөд 98 гаруй хүүхэд хамрагддаг. Гэвч хүүхдэд хөгжмийн болон биеийн тамирын мэдлэг чадвар эзэмшүүлэх, хичээл сургалт явуулах тоног төхөөрөмжийн дутагдалтай байдлаас шалтгаалан энэ төрлийн сургалт, мэдлэгийг олгоход хүндрэлтэй байдаг.
ХӨТӨЛБӨРИЙН ЗОРИЛГО:
Номгон сумын сургуулийн өмнөх боловсролын 14-р цэцэрлэгийн урлаг, спортын танхимыг тохижуулж, сургалт явуулахад шаардлагатай хөгжмийн тоног төхөөрөмж, биеийн тамирын хичээлийн хэрэглэлээр хангана.
ХӨТӨЛБӨРИЙН ХҮРЭЭНД ХИЙГДСЭН АЖИЛ:
Номгон сумын 14-р цэцэрлэгийн урлагийн заалыг тохижуулж дэвсгэр, урлагийн тайз хийж, ханын толь байрлуулсан. Мөн сургалтанд ашиглах микрофон, өсгөгч, бүжгийн хувцасыг хүлээлгэн өгсөн.
Биеийн тамирын танхимд нуман шат, ханын шат, суудаг тоглоомон машин, бөмбөлөг, мөлхөгч хоолой болон хүүхдэд зориулсан бие бялдрын төхөөрөмжүүдийг нийлүүлж суурилуулсан.
ХӨТӨЛБӨРИЙН ҮР ДҮН:
- Хүүхдэд урлагийн болон биеийн тамирын хичээлийг үр бүтээлтэй заах сургалтын бааз суурь бүрдэж жишиг танхимтай болсон.
- Эрүүл аюулгүй орчин бий болсноор хүүхэд гоо зүйн мэдрэмжээ хөгжүүлж сэтгэл ханамжтай суралцаж байна.
- Сургалтыг програмын дагуу явуулах сургалтын хэрэглэгдэхүүнтэй болсон.
- Багш нар идэвхтэй сургалтын арга зүйг шинэлэг, бодит орчинд нэвтрүүлж, бүтээлч сэтгэлгээ нь идэвхэжнэ.