ХӨТӨЛБӨРИЙН ҮНДЭСЛЭЛ:
       Өмнөговь аймгийн Номгон сум нь 2019 оны жилийн эцсийн байдлаар 2528 хүн амтай, 859 өрхтэй гэж тоологдсон. Сум төвийн Рашаант, Жирэм, Хайрхан гэсэн 3 хороололд 54 гудамжинд 550 иргэн гэр бүлийн хэрэгцээндээ газар өмчилж авсан байдаг бөгөөд сумын төвийн иргэн, аж ахуй нэгж байгууллагын 41 хашаа болон байшин үл хөдлөх хөрөнгө бүртгэлтэй байдаг. Гэвч эдгээр үл хөдлөх хөрөнгө, хашаанд зориулалтын хаягжуулалт хийгдээгүйгээс үүдэн Номгон суманд ирсэн явуулын хүмүүс зорьсон газраа олохгүй байх, хаяг андуурах зэрэг хүндрэл учирч байна. Тиймээс Монгол улсад мөрдөгдөж буй стандартын дагуу айл өрх, албан байгууллага, барилга үл хөдлөх хөрөнгийг хаягжуулах шаардлагатай байна
 

ХӨТӨЛБӨРИЙН ЗОРИЛГО:
      Номгон сумын төвд бүртгэлтэй айл өрх, албан байгууллагын хашаа, барилга, үл хөдлөх хөрөнгийг Засгийн газрын 2019 оны 325 тоот тогтоолоор батлагдсан “Гудамж, зам, талбай, үл хөдлөх эд хөрөнгийг хаягжуулах журам” болон Монгол улсад мөрдөж буй хаягжуулалтын MNS 5283:2014 стандартын дагуу хаягжуулна.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Номгон сумын төвийн 54 гудамжны эхлэл төгсгөлд гудамжны дугаарын хаяг, Рашаант багийн 8 гудамжны 52 хашаа, Жирэм багийн 23 гудамжны 211 хашаа, Хайрхан багийн 23 гудамжны 287 хашаанд гудамж болон хашааны хаяг, мөн сумын төвд буй 41 барилгын хоёр талд хаягжуулалт хийсэн.

ХӨТӨЛБӨРИЙН ҮР ДҮН:

• Номгон сумын айл өрх, албан байгууллага, хашаа гудамж бүрт MNS 5283:2014 стандартын дагуу хаягтай болсон
• Суманд ирсэн явуулын иргэд хаяг андуурахгүй болсон.
• Шуудангийн үйлчилгээ, хүргэлтийн үйлчилгээ хурдан шуурхай хүрэх боломж бүрдсэн.