ХӨТӨЛБӨРИЙН ҮНДЭСЛЭЛ:
      АНУ-ын сэтгэлзүйч, сурган хүмүүжүүлэгч Ховард Гарднер нь хүний авьяас чадвар, танин мэдэхүйн хөгжлийн талаар судалгаа хийдэг дэлхийд нэр хүндтэй эрдэмтэн юм. Тэрээр хэлэхдээ хүүхэд багачуудын хөгжил нь бие бялдар, хөдөлгөөн, хүртэхүй, хэл яриа, сэтгэл хөдөлгөөн – харилцаа, дадал дүй, анхаарал төвлөрүүлэлт, ой тогтоолт, дүрслэн төсөөлөн бодох зэрэг хөгжлийн олон талт хүчин зүйлүүдээр тодорхойлогддог тул хүүхдүүдийн оюун ухаан, харилцааг хөгжүүлэх үйлийг  оглоомын аргаар дамжуулан хөгжүүлэх нь хамгийн үр дүнтэй гэж дүгнэжээ. Номгон суманд олон нийтэд зориулсан цэцэрлэгт хүрээлэнтэй бөгөөд насанд хүрсэн иргэд амрах, алжаалаа тайлах, өсвөр насны хүүхдүүд тоглох талбайтай боловч бага насны хүүхдэд зориулсан талбай, тоглоом байдаггүй. Тиймээс уг хүрээлэнд бага насны хүүхдэд зориулсан тоглоомын талбай байгуулах шаардлагатай байгаа юм.

ХӨТӨЛБӨРИЙН ЗОРИЛГО:
      Номгон сумын цэцэрлэгт хүрээлэнд эрүүл ахуйн шаардлага хангасан, хүүхдэд тохирсон тохилог тав тухтай орчинд сэтгэл санаа, харилцааны таатай нөхцөлийг бүрдүүлсэн хүүхэд багачуудын хэрэгцээнд тохирсон тоглоомын талбай байгуулна.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Цэцэрлэгт хүрээлэнд хүүхдүүдэд зориулсан гулсууртай тоглоом 2, хүүхдүүдээ тоглуулангаа амрах боломжтой эцэг эхчүүдэд зориулсан сүүдрэвч нэг ширхгийг нийлүүлж суурилуулсан.
 

ХӨТӨЛБӨРИЙН ҮР ДҮН:

• Бага насны хүүхдүүд тоглож, хоорондоо харилцаж хөгжих боломжийг бүрдүүлсэн тоглоомын талбайтай болсон.
• Хүүхдээ салхилуулж буй эцэг эхчүүдэд зориулсан сүүдрэвчтэй болсон