ТӨСЛИЙН ҮНДЭСЛЭЛ:
      Булган сумын ерөнхий боловсролын сургуулийн 6-9-р ангид 7 хоногт 2 цагаар 85 сурагчид Монгол бичгийн хичээл ордог. Монгол бичгээрээ бахархан сурах, бие биендээ үлгэрлэн өв соёлоо түгээн дэлгэрүүлэх үйл явцыг түргэсгэж, үндэсний уламжлалт болон орчин үеийн бийрэн бичгээр сурагчдыг бичүүлж сургахын тулд Монгол бичгийн кабинетийг тохижуулан сурагчдын сурах орчин нөхцөлийг сайжруулах хэрэгцээтэй байна.
 

ТӨСЛИЙН ЗОРИЛГО:
      Монгол бичгийн хичээл заах, өв соёлөө түгээн дэлгэрүүлэх үйл ажиллагаа зохион байгуулах, сургалт явуулах, мөн сурагчид хүссэн цагтаа дадлага хийх зориулалтаар орчин үеийн тохилог кабинетийг тохижуулах зорилготой.

ТӨСЛИЙН ХЭРЭГЖИЛТ, ҮР ДҮН:

• Булган сумын сургуулийн Монгол бичгийн кабинетийг тохижуулан сурагчид идэвх сонирхолтойгоор хичээлдээ сууж багш нар сургалтын шинэ хэрэглэгдэхүүнээр хичээлээ заах орчин нөхцөл бүрдсэн.
• Иж бүрэн тоног төхөөрөмж, хэрэглэгдэхүүнтэй Монгол бичгийн кабинеттэй болж сурагчдын идэвх, оролцоо, бүтээмж нэмэгдсэн
• Сурагчид үндэсний бичгээрээ бахархах сэтгэлтэй болж хичээлд оролцох оролцоо нэмэгдэж байна
• Сурагчдын бийр ашиглан Монгол бичгээр бичих ур чадвар нэмэгдэж бүтээлч чанар сайжирна