ТӨСЛИЙН ҮНДЭСЛЭЛ:
     Эрүүл, тэжээлтэй хоол хүнсээр хооллож байж хүн олон өвчнөөс урьдчилан сэргийлж болдог гэдгийг хоол судлаач, эрдэмтэд тогтоогоод байгаа. Тэр тусмаа эмнэлэгт хэвтэн эмчлүүлж буй иргэдийн хоол эрүүл ахуйн шаардлагад нийцсэн байх зайлшгүй шаардлагатай байдаг. Булган сумын хувьд 1952 онд анх эрүүл мэндийн төвийн барилга барьснаас хойш 1985, 2010 онуудад барилга шинэчлэгдсэн боловч гал тогооны тоног төхөөрөмж хэрэгслүүд шинэчлэгдээгүй өдий хүрсэн байна. ЭМТ-ийн хувьд тоног төхөөрөмж муу, одоогоор галлаж хоол хийж байгаа ба эмчлүүлэгчдэд эрүүл, тэжээллэг хоолоор үйлчлэхээр хичээж ажилладаг. Энэ нөхцөл байдлыг өөрчилж тоног төхөөрөмж шинэчлэх зайлшгүй шаардлагатай байна гэж үзэж байна.
 

ТӨСЛИЙН ЗОРИЛГО:
      Булган сумын Эрүүл мэндийн төвийн гал тогооны тоног төхөөрөмжийг шинэчилж ЭМТ-өөр үйлчлүүлж байгаа болон ЭМТ-д ажиллаж байгаа ажилчдад эрүүл, тэжээллэг хоол хүнсийг түргэн шуурхай стандартын дагуу өгөхийг зорьж байна.

ТӨСЛИЙН ХЭРЭГЖИЛТ, ҮР ДҮН:

•      Эрүүл мэндийн төвийн гал тогоонд шаардлагатай байсан тоног төхөөрөмж хэрэгслүүдийг нийлүүлснээр хэвтэн эмчлүүлэгсэд болон эрүүл мэндийн төвийн ажилчдын хоолыг бэлтгэхэд амар болж тогоочдын ажил хөнгөрч шим тэжээлтэй хоолоор түргэн шуурхай үйлчилдэг болсон.
•      Эрүүл мэндийн төвийн тогооч, бэлтгэгч нарын ажиллах орчин нөхцөл сайжирч эрүүл ахуйн шаардлагад нийцүүлэн амт чанартай, шингэц сайтай хоолоор хэвтэн эмчлүүлэгч нарт үйлчилж эрүүл мэндийн төвийн үйлчилгээ сайжирсан