ХӨТӨЛБӨРИЙН ҮНДЭСЛЭЛ:
      Сэврэй сумын нутаг дэвсгэрт сүүлийн жилүүдэд агаарын дундаж температур +05 градусаар дулаарсан, газрын хөрсөн дээрх температур зуны аагим халууны үед +40 градусаас дээш хүрч халж байгаа, хур тунадасны хэмжээ багассан, салхины хурд нэмэгдсэн үзүүлэлтүүд ихсэж байна. Эдгээрээс шалтгаалан ургамалын гарц, мал услах худгийн ундарга муудан мал, малчдад хүндрэл, эрсдэл ихтэй болсон.
 

ХӨТӨЛБӨРИЙН ЗОРИЛГО:
      Сэврэй сумын нутаг дахь гүн өрмийн эвдэрсэн худгуудыг сэргээн засварлаж усгүй бэлчээрийг усжуулах, бэлчээрийг хүртээмжтэй ашиглах, мал, малчдын усан хангамжийг нэмэгдүүлэх.
 

ХӨТӨЛБӨРИЙН ХҮРЭЭНД ХИЙСЭН АЖИЛ:
     Сэврэй сумын Хоолт, Сайншанд, Бүйлсэн багуудын нутаг дахь ашиглалтын шаардлага хангадаггүй гүн өрмийн 7 худагт шаардлагатай тоног төхөөрөмж нийлүүлж суурилуулан ашиглалтанд оруулсан.
 

ХӨТӨЛБӨРИЙН ҮР ДҮН:
      Сэврэй сумын гурван багийн 30 малчин өрхийн 96 хүн, 15100 мал сүрэг хөтөлбөрийн үр шимийг шууд хүртсэн.