ХӨТӨЛБӨРИЙН ҮНДЭСЛЭЛ:
      Монголын үндэсний соёлын үнэт өв болох зээгт наамлын урлал нь Хүннү гүрний үед үүссэн тухай судалгаагаар тогтоогдсон байдаг. Зээгт наамал буюу торгон зураг нь монголчуудын урлахуйн өвөрмөц сэтгэмж, гарын нарийн ур, сэтгэлгээний давтагдашгүй байдлыг илтгэсэн ховор содон урлагийн төрөл юм. Энэхүү гайхамшигт урлалыг урлаач цөөн болсон өнөө үед  Өмнөговь аймаг маань Монгол үндэсний уран хатгамал “Зээгт наамал” урлалыг соёлын нэрийн бүтээгдэхүүнээ болгон, Монгол улсын уран хатгамалч, Хөдөлмөрийн гавьяаны улаан тугийн одонт А.Цэрэнхүү агсны нэрэмжит “Алтан утас” зээгт наамлын бүтээлийн үзэсгэлэнг 2015 онд Улаанбаатар хотод зохион байгуулж байсан билээ. Энэхүү соёлын өвийг ирээдүй хойч үедээ өвлүүлэн үлдээх, түүх соёлоо эрхэмлэн дээдлэх, хайрлан хүндэтгэх цаашид хөгжүүлэх зорилгоор хөтөлбөрийг санаачилсан.
 

ХӨТӨЛБӨРИЙН ЗОРИЛГО:
      Хөтөлбөрийн зорилго нь иргэдэд үндэсний түүх соёлын өвийг түгээн дэлгэрүүлэх, уул усаа хүндлэн дээдлэх бахархлыг нэмэгдүүлэх, уламжлуулан үлдээх зэрэг эерэг нөлөөллүүд бий болгох юм.

ХӨТӨЛБӨРИЙН ХҮРЭЭНД ХИЙСЭН АЖИЛ:
      “Ханбогд хайрхан уулын эзэн” зээгт наамал бүтээл урлаж “Үлэмжийн чанар” соёлын төвд байрлуулна.
 

ХӨТӨЛБӨРИЙН ҮР ДҮН:

• “Ханбогд хайрхан уулын эзэн” зээгт наамал бүтээлийг “Үлэмжийн чанар” соёлын төвд хүндэтгэлтэйгээр байрлуулна.
• Иргэдэд үндэсний түүх соёлын өвийг түгээн дэлгэрүүлэх, уул усаа хүндлэн дээдлэх бахархлыг нэмэгдүүлэх, уламжлуулан үлдээх эерэг нөлөөллүүд бий болно.