ХӨТӨЛБӨРИЙН ҮНДЭСЛЭЛ:
     Ханбогд сум нь уул уурхай дагасан хүн амын төвлөрөл ихтэй онцлог сум учир үүнийгээ дагаад иргэдийн боловсрол, хөгжилд чиглэсэн сургалт, нөлөөллийн ажил зохион байгуулах эрэлт хэрэгцээ ихтэй байдаг. Сумын хүүхэд залууст чөлөөт цагаа зөв боловсон өнгөрүүлэх, хөгжүүлэх олон нийтийн газар ховорхон байдгаас хүүхэд залуус цахим хэрэглээнд хэт автаж байна. Мөн Ханбогд сум 2020 оныг Өрх гэр бүлийг дэмжих жил болгон зарласантай холбогдуулан хөтөлбөрийг санаачилсан.
 

ХӨТӨЛБӨРИЙН ЗОРИЛГО:
     Хөгжим сонирхдог иргэд, хүүхдүүдийн хөгжмийн боловсролд дэмжлэг болох, тэдэнд чөлөөт цагаа зөв боловсон өнгөрүүлэх өөрийгөө илэрхийлэх, баг хамт олонтой болж төлөвшихөд нь дэмжлэг болох

ХӨТӨЛБӨРИЙН ХҮРЭЭНД ХИЙСЭН АЖИЛ:
      “Хандизель” ОНААТҮГ-ийн нэг өрөөг тохижуулан 10 ширээ, сандал, морин хуур /4 ширхэг/, товшуур хөгжим /3 ширхэг/, гитар /4 ширхэг/, Үкүлэлэ /4 ширхэг/, бөмбөр /2 ширхэг/ хөгжмүүдийг нийлүүлсэн. Хөгжим сонирхдог 350 иргэд, сурагчдыг хамруулан 6 сарын хугацаанд 7 хоногт 6-8 цагийн хөгжмийн сургалт зохион байгуулан ажиллаж байна.
 

ХӨТӨЛБӨРИЙН ҮР ДҮН:

• Ханбогд сумын “Хандизель” ОНӨААТҮГ хөгжмийн сургалтын танхимтай болсон.
• Хүүхэд залуус чөлөөт цагаа зөв боловсон өнгөрүүлэх төвтэй болсон.
• Иргэдийн хөгжмийн боловсролд дэмжлэг болсон.
• Хөтөлбөр хэрэгжиж дууссаны дараа 2 ажлын байр бий болно.