ХӨТӨЛБӨРИЙН ҮНДЭСЛЭЛ:
      Ханбогд сумын нэг дүгээр сургууль нь 1940 онд үүсгэн байгуулагдсан бөгөөд тус сургуулийн 80 жилийн түүхэн ой 2020 онд тохиосон. Өнгөрсөн хугацаанд эрдэмтэн багш нарын эрдэм мэдлэг, төгсөгчдийн сурлага, урлаг, спортын амжилт, гавьяа зэрэг олон олон бахархуулах, сонирхуулах дурсамж, дуртгал арвин түүхтэй сургууль болсон байна. Дээрх сайн сайхан бүхнийг баримтжуулан багш, сурагчдад үр өгөөжтэйгээр сургалтын орчинг тохижуулахаар төслийг санаачилсан.
 

ХӨТӨЛБӨРИЙН ЗОРИЛГО:
      Сурагчдад сургуулийнх нь талаар өргөн мэдлэг олгох, сайн сайхныг үлгэрлэн дагаж ёс суртахуун, хүнлэг энэрэнгүй, зөв хандлага, сэтгэлгээтэй иргэн болж төлөвшихөд нь дэмжлэг болох, сургуулийн өнгө үзэмжийг сайжруулж бусад сургуулиудад үлгэр дуурайл болгох, багш, ажилчдын ажиллах таатай орчинг бүрдүүлэх.
 

ХӨТӨЛБӨРИЙН ХҮРЭЭНД ХИЙСЭН АЖИЛ:
      Ханбогд сумын Ерөнхий боловсролын 1-р сургуулийн нэг өрөөг сургууль анх үүсэн байгуулагдсанаас хойших холбогдолтой түүхэн үйл явдлын сэдвээр баяжуулан тохижуулсан.

ХӨТӨЛБӨРИЙН ҮР ДҮН:

• Хөтөлбөрийн үр дүнд Ханбогд сумын нэг дүгээр сургуульд сургууль анх үүсгэн байгуулагдсанаас хойших өнөөг хүртэлх түүхэн үйл явдлыг харуулсан танхимтай болсон.
• Сурагчдад сургуулийнхаа ахмад, дунд, залуу хойч үеийн шилдэг төгсөгчдөөрөө бахархан даган дуурайх, хөгжих, суралцах эерэг орчинг бүрдүүлж өгсөн.
• Цаашид сургуулийн түүхэн баримт, дурсамжийг баяжуулан хөгжүүлж ирээдүй хойч үедээ үлдээх суурь тавигдсан.