ХӨТӨЛБӨРИЙН ҮНДЭСЛЭЛ:
     2019-2020 оны хичээлийн жилтэй зэрэгцэн дэлхий нийтийг хамарсан Covid-19 цар тахал өвчин дэгдэж, улмаар уг өвчнөөс урьдчилан сэргийлэх зорилгоор тогтоосон хорио цээрийн дэглэм болон эцэг, эхийн тусламж, дэмжлэгийн дутагдлаас шалтгаалж уншиж, бичиж сураагүй хоёрдугаар ангидаа дэвшин орж байгаа 80 гаруй хүүхэд Ханбогд суманд байна. Эдгээр хүүхдүүд цагаан толгойн үсгээ үзэж дуусаагүй, унших эвээ олж амжилгүй хөл хорионд орсон тул нэн тэргүүнд тэдний хоцрогдлыг арилгаж хоёрдугаар ангийн хичээлд нь бэлтгэх шаардлага тулгарсан.
 

ХӨТӨЛБӨРИЙН ЗОРИЛГО:
       Хөтөлбөрийн сургалтыг зохион байгуулснаар Covid-19 цар тахлын нөхцөл байдлаас шалтгаалж сурагчдад танхимын хичээл бага орсонтой холбоотой уншиж, бичиж, бодож сураагүй 1-2 дугаар ангийн сурагчдын хоцрогдлыг арилгах юм.
 

ХӨТӨЛБӨРИЙН ХҮРЭЭНД ХИЙСЭН АЖИЛ:
       “Галбын говийн гэрэлт ирээдүй” ТББ-ын судалгаагаар Ханбогд сумын, эцэг эх нь уурхайн сайтад ажилладаг, ганц бие эцэг, эхээр өрх толгойлуулсан, амжиргааны түвшин доогуур, дөрвөөс дээш хүүхэд нь сургуульд сурдаг гэр бүлийн 1-2 дугаар ангийн 80 хүүхдийг бүртгэж гурван сарын хугацаанд уншиж, бичиж, бодож сургах сургалтанд хамруулсан.

ХӨТӨЛБӨРИЙН ҮР ДҮН:

• 1-2 дугаар ангийн 80 сурагчдын хоцрогдлыг богино хугацаанд арилгаж 2 дугаар ангид суралцах стандарт түвшинд нь хүргэсэн.
• Сургалтанд хамрагдсан сурагчид цаашид өөртөө итгэлтэйгээр сурч, хөгжих чадвартай болсон.
• Сургалтыг 3 сарын хугацаанд үнэ төлбөргүй явуулж хөтөлбөрт хамрагдсан 80 өрхийн санхүүд дэмжлэг болсон.