ХӨТӨЛБӨРИЙН ҮНДЭСЛЭЛ:
      Ханбогд сумын хүн ам жил ирэх тутам өссөөр байгаа. Үүнтэй холбоотой улс, орон нутаг, төсөл хөтөлбөрийн хөрөнгөөр тус суманд цэвэр бохир усны төвлөрсөн системийг бий болгож шугам сүлжээний өргөтгөлийг шат дараатай хэрэгжүүлж ирсэн. Одоогоор сумын төвийн ундны усны хэрэгцээг хангаж байгаа дөрвөн ус түгээх цэг байдаг бөгөөд үүний зөвхөн нэг худагт ухаалаг систем суурилуулсан байдаг. Энэ нь өглөө эрт гэрээс гарч ажилдаа яваад оройтож ирдэг олон иргэдэд хэрэглээний усаа авах боломж гардаггүйгээс гадна ус хангамжийн үйлчилгээг хариуцсан байгууллагын хувьд үйлчилгээний хүртээмжээ дээшлүүлж зардлаа бууруулахад ухаалаг худгийн системийг сонгох нь чухал шаардлагатай байсан.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Ханбогд сумын төвд нэг ус түгээх байр шинээр барьж хоёр ус түгээх байранд ухаалаг худгийн систем суурилуулсан.

ХӨТӨЛБӨРИЙН ҮР ДҮН:

• Ханбогд суманд 24 цагаар ажиллах 2 ухаалаг худагтай болж иргэд хүссэн үедээ усаа авах боломжтой болсон.
• Худгийн гадна орчныг хяналтын камераар хянах боломжтой болсон.
• Бэлэн төлбөр тооцоо хийгдэхгүй болсон нь борлуулалтыг хянахад хялбар болсноос гадна халдварт өвчин тархахаас сэргийлэх, эрүүл ахуйн шаардлагад илүү нийцсэн.
• Усны картаар үйлчлүүлэгчдийн бүртгэл, мэдээллийн сантай болно.
• Ундны усан хангамжийн хүртээмж сайжирна.
• Ашиглалт хариуцсан байгууллагын ажлын ачааллыг хөнгөвчилсөн