ХӨТӨЛБӨРИЙН ҮНДЭСЛЭЛ:
      Ханбогд суманд сүүлийн жилүүдэд хүн амын өсөлт, шилжилт хөдөлгөөн, төвлөрөл нэмэгдсээр байна. Одоогийн байдлаар тус суманд 8700 гаруй иргэн албан ёсны бүртгэлтэй байна. Бидний судалгаагаар сумын хэмжээнд тусгай хэрэгцээт боловсрол шаардлагатай бага насны 20 хүүхэд байгаа бөгөөд энэ нь тус сумын 0-18 настай хүүхдийн 1,5 хувийг эзэлж байгаа юм. Энэ үзүүлэлт нь тусгай хэрэгцээт боловсролын талаар багш сурган хүмүүжүүлэгч, эцэг эх, холбогдох төрийн ажилтнуудад сургалт, нөлөөллийн ажил зохион байгуулах, энэ хүүхдүүдийн сурч боловсрох орчин нөхцөлийг сайжруулах шаардлагатайг харуулж байна.
 

ХӨТӨЛБӨРИЙН ЗОРИЛГО:
      Хөтөлбөрийг хэрэгжүүлснээр тусгай хэрэгцээ шаардлагатай бага насны хүүхдийн сурч боловсрох эрхийг хангах орчин нөхцөлийг нь сайжруулж тэдэнд эцэг, эх, багш, төрийн зүгээс үзүүлэх тусламж үйлчилгээг сайжруулах юм.
 

ХӨТӨЛБӨРИЙН ХҮРЭЭНД ХИЙСЭН АЖИЛ:
      Ханбогд сумын Ерөнхий боловсролын 2 сургууль, 3 цэцэрлэг тус бүрт тусгай хэрэгцээ шаардлагатай хүүхдийн сургалтын булан байгуулж, тоглоом хэрэгслээр хангах, тусгай хэрэгцээ шаардлагатай хүүхдийн судалгаанд үндэслэн тэдний эцэг, эх, багш болон төрийн байгууллагын холбогдох ажилтнуудад сургалт зохион байгуулах ажлууд хийгдсэн.

ХӨТӨЛБӨРИЙН ҮР ДҮН:

• Эцэг, эх, багш, төрийн байгууллагын холбогдох ажилтнуудын тусгай хэрэгцээ шаардлагатай бага насны хүүхдүүдэд үзүүлэх тусламж, дэмжлэг, үйлчилгээний талаарх онол, арга зүйн мэдлэг сайжирсан.
• Тусгай хэрэгцээ шаардлагатай бага насны хүүхдүүдийн сурч боловсрох эрхийг хангах нөхцөл боломж бүрдсэн.
• Сумын 2 сургууль, 3 цэцэрлэг тусгай хэрэгцээ шаардлагатай хүүхдүүдэд зориулсан тоглоом хэрэгслээр хангагдсан.