ХӨТӨЛБӨРИЙН ҮНДЭСЛЭЛ:
      Монгол улсад сүүлийн 10 жилд тамхинаас үүдэлтэй зүрх, судасны эмгэгээр нас барах тохиолдол хоёр дахин нэмэгдэж, нас барж байгаа гурван хүн тутмын нэг нь зүрх судасны эмгэг, таван хүн тутмын нэг нь хорт хавдрын өвчнөөр нас барж байна, Монгол улсын 15-64 насны дөрвөн хүн тутмын нэг нь буюу 27 хувь нь тамхи татдаг гэсэн мэргэжлийн байгууллагын судалгаа, дүгнэлт гарсан байдаг. Дээрх нөхцөл байдлуудаас үүдэн иргэдийн эрүүл мэндийн боловсролд дэмжлэг үзүүлэх шаардлагатай болсон.
 

ХӨТӨЛБӨРИЙН ЗОРИЛГО:
      “Тамхийг биш эрүүл мэндээ сонгоё” сургалт зохион байгуулах зорилго нь зорилтот насны болон бусад насны эрэгтэйчүүдэд эрүүл мэндийн боловсрол олгох тамхины шалтгаант өвчлөл, нас баралтаас урьдчилан сэргийлэх, илрүүлэг үзлэгт тодорхой хугацааны давтамжтай хамруулах тогтолцоог бүрдүүлж, цаг алдалгүй эрт оношлох, эмчлэх, эрүүлжүүлэх, хүндрэлээс сэргийлж нас баралтыг бууруулах юм.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Ханбогд сумын Сум дундын эмнэлгийн сургалтын танхимд техник хэрэгсэл нийлүүлж, нэг сарын хугацаанд 15-39 насны 1816 иргэдэд тамхины хор уршгийн талаар 4 удаагийн сургалт, нөлөөллийн ажил зохион байгуулсан.

ХӨТӨЛБӨРИЙН ҮР ДҮН:

• Сургалтанд хамрагдсан иргэд тамхины хор уршиг, тамхинаас татгалзсанаар бий болох олон эерэг үр дүнгийн талаар өргөн мэдлэг, мэдээлэлтэй болсон.
• Тамхины шалтгаант өвчний эрт илрүүлэх үзлэгт тодорхой хугацааны давтамжтай хамруулах тогтолцоог бий болгох алхам болсон