ТӨСЛИЙН ҮНДЭСЛЭЛ:
      Номгон сумын төвд 295 өрхийн 816 хүн амьдардаг. Сумын төвд гэрэлтүүлэг суурилуулаагүйгээс шалтгаалан оройтож тардаг сургуулийн сурагчид, иргэд гэмтэж бэртэх, нохойд уруулах зэргээр гэмтэх тохиолдол их байдаг. Мөн бусад сумдаас ирж буй иргэд төөрөх зэрэг эрсдэл гардаг. Сумын төвд цамхаг гэрэлтүүлэгтэй болсноор иргэд айх аюулгүйгээр гудамж талбайгаар зорчих, сум уруу ирж буй иргэд уг цамхаг гэрлээр баримжаа авч төөрөхгүй ирэх давуу талтай болох юм.
 

ТӨСЛИЙН ЗОРИЛГО:
      Сумын ард иргэдийн аюулгүй амьдрах орчинг бүрдүүлэх, залуусын оролцоог нэмэгдүүлэх
 

ТӨСЛИЙН ХҮРЭЭНД ХИЙГДЭХ АЖИЛ:
     Сумын төвд гэрэлтүүлэг багатай, аюул осол гарах магадлал ихтэй газруудад цамхаг гэрлийг байрлуулна.
 

ТӨСЛИЙН ҮР ӨГӨӨЖ:
     Гэрэлтүүлэг нэмэгдсэнээр хичээл нь оройтож тардаг сургуулийн хүүхдүүд, оройн цагаар гудамж, талбайд зорчиж буй иргэд нохойд уруулах, осолд өртөх эрсдэл буурна.
 

ТӨСЛИЙН ХЭРЭГЖИЛТ, ҮР ДҮН:
     Номгон сумын заагдсан 6 газар цамхаг гэрэл байрлуулж, ойр орчмыг гэрэлтүүлсэн.