ТӨСЛИЙН ҮНДЭСЛЭЛ:
     Сэврэй сум нь аялал жуулчлалын бүс нутагт хамаардаг бөгөөд сумын төв нь Өмнөговь аймгийн есөн гайхамшгийн нэг Хонгорын элснээс 25 км-ийн зайд оршдог. Аялагчдын тоо жил ирэх тутам нэмэгдэж байгаа бөгөөд сумын төвөөр дайран өнгөрөхөд нь байрлах байр, буудал байдаггүй, аялагчид жуулчид аялалын маршрут, үйлчилгээ зэрэг мэдээллийг авч чаддаггүй нь нэлээд хүндрэл учруулдаг.
 

ТӨСЛИЙН ЗОРИЛГО:
     Аялагч, жуулчдад зориулсан мэдээллийн төв, буудлыг тохижуулан нээж тэдний тав тухыг хангах, үйлчлүүлэгчдийн тоог нэмэгдүүлэх, аялал жуулчлалаас олох орлогын нэмэгдүүлэх
 

ТӨСЛИЙН ХҮРЭЭНД ХИЙГДСЭН АЖИЛ:
     Төслийн хүрээнд Сэврэй сумын төвд байрлалтай сумын ЗДТГ-ын өмчлөлийн Аялал, жуулчлалын мэдээллийн төвийн барилгын гадна, дотор өнгө үзэмжийг сайжруулах, таван өрөөг буудлын зориулалтаар тохижуулах, барилгын гадна талд мэдээллийн самбар байрлуулах, нэг өрөөг аялагч, жуулчид, иргэдэд мэдээлэл өгдөг өрөө болгон тохижуулах ажлуудыг хийж захиалагчид хүлээлгэн өгсөн.
 

ТӨСЛИЙН ҮР ӨГӨӨЖ:

• Барилгын өнгө үзэмж сайжирсан
• Аялагч, жуулчид тав тухтай орчинд үйлчлүүлж байна
• Нэг ажлын байр шинээр бий болсон

ТӨСЛИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24”ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Аялал жуулчлал, мэдээллийн төв тохижуулах ” төслийг хэрэгжүүлсэн
• Сэврэй сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан.
• “Говийн оюу хөгжлийг дэмжих сан” нь захиалагч Сэврэй сумын ЗДТГ болон захиалагчийн шалгаруулсан гүйцэтгэгч “Натурал морнинг” компанитай санхүүжилтийн гэрээ байгуулсан.
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан.
• Гүйцэтгэгч “Натурал морнинг” ХХК төслийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын төвөөр дайрч өнгөрөх аялагч, жуулчин, иргэд тав тухтай орчин нөхцөлөөр хангагдсан мэдээллийн төв, буудлаар үйлчлүүлэх, суманд нэг ажлын байр шинээр бий болох, аялал жуулчлалаас олох орлого нэмэгдэх зэрэг эерэг боломжууд гарч ирсэн.