ХӨТӨЛБӨРИЙН ҮНДЭСЛЭЛ:
     Сэврэй сум нь нийт 600 орчим өрхийн 2000 гаруй хүн амтай бөгөөд түүнээс 362 малчин өрхийн 1269 иргэнтэй. Тус сумын нийт газар нутгийн 83 хувь нь улсын тусгай хамгаалалтанд байдаг, уул уурхай болон эдийн засгийн бусад салбарууд төдийлөн хөгжөөгүйгээс өрхийн орлогын дийлэнхийг мал аж ахуйгаас олдог. Мөн тус суманд ажлын байр дутагдалтайгаас ажилгүй иргэдийн тоо буурахгүй байна. Иймд орон нутгийн онцлог, иргэдийн өөрсдийн нөөц бололцоонд тулгуурлан өрхийн  үйлдвэрлэл эрхлэх, түүнийгээ цаашид өргөжүүлэн хөгжүүлэх нөхцөл бололцоог  бүрдүүлэхэд дэмжлэг шаардлагатай.
 

ХӨТӨЛБӨРИЙН ЗОРИЛГО:
     Иргэдийн хүсэл сонирхлын дагуу тэдний авьяас чадварыг хөгжүүлэх, өрхийн орлогыг нэмэгдүүлэх, ажлын байр шинээр бий болгох зорилгоор гар урлалын төв байгуулан тохижуулах
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Сэврэй сумын соёлын төвийн нэг өрөөнд гар урлалын төвийг байгуулж, 15 нэр төрлийн 35 ширхэг техник хэрэгсэл, сургалтын хэрэглэгдэхүүнээр хангаж, эсгий болон арьсан урлалын сургалтуудыг явуулсан.

 

ХӨТӨЛБӨРИЙН ҮР ӨГӨӨЖ:

• Гар урлалын төвд мэргэжлийн 2 багш урин авчирч 20 иргэнд эсгий, арьсан урлалын сургалт зохион байгуулсан.
• Дээрх сургалтын явцад суралцагсад 130 гаруй бүтээл хийж 320,000 төгрөгөөр борлуулсан.
• Иргэд багаар ажиллаж, хамтран хөгжиж өрхийн орлогоо нэмэгдүүлж байна.

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Гар урлалын төв байгуулах” хөтөлбөрийг хэрэгжүүлсэн.
• Сэврэй сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих сан”-д ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан.
• “Говийн оюу хөгжлийг дэмжих сан” нь захиалагч Сэврэй сумын ЗДТГ болон хөтөлбөрийн хэрэгжүүлэгч “Агьт говь” ХХК-тай санхүүжилтийн гэрээ байгуулсан.
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан.
• Хөтөлбөрийн хэрэгжүүлэгч “Агьт говь” ХХК нь Гар урлалын төв байгуулах ажлыг гэрээний хугацаанд чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын иргэд өөрийн хүсэл сонирхол, нөөц бололцооны дагуу хүссэн үедээ тус төвийн тоног төхөөрөмжийг ашиглан эсгий, арьсан урлал, зөөлөн оёдлын бүтээгдэхүүнийг үйлдвэрлэн борлууулах, нэг нэгнээсээ суралцан хамтдаа хөгжих, өрхийн орлогоо нэмэгдүүлэх зэрэг эерэг боломжуудаар хангагдсан.