ХӨТӨЛБӨРИЙН ҮНДЭСЛЭЛ:
     Сэврэй сумын ерөнхий боловсролын сургуулийн эзэмшилд УАЗ-ФУРГОН автомашин байдаг боловч 2011 онд авснаас хойш моторыг нь 2 удаа, тоормосны аппаратыг 1 удаа, 4 дугуйг 15 удаа сольж, хойд урд тэнхлэг хугарсан зэргээр асар их засвар хийсэн. Мөн сүүлийн 3 жилд сургуулийн автомашин 7 удаа замдаа саатсан тохиолдол гарсан. Уг машиныг авснаас хойш 315,000 км явсан бөгөөд гүйлт нь стандартаас 165,00 км-ээр хэтэрсэн. Тиймээс Сэврэй сумын сургуулийн 206 сурагч, 33 багш, ажилчдын сургалт, олимпиад, уралдаан тэмцээнд оролцоход тохиромжтой найдвартай, эрсдэлгүй үйлчлэх автомашинтай болох шаардлагатай байсан.
 

ХӨТӨЛБӨРИЙН ЗОРИЛГО:
     Сургуулийн техникийн нөөцийг сайжруулж жилдээ давхардсан тоогоор 370-420 сурагч, багш ажиллагсад 28 төрлийн аймаг, улсын чанартай тэмцээн уралдаан, үйл ажиллагаанд орохдоо найдвартай, тохилог тээврийн хэрэгслээр зорчдог болох.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
Сэврэй сумын ерөнхий боловсролын сургуульд “Hyundai country” автобус
нийлүүлсэн.

 

ХӨТӨЛБӨРИЙН ҮР ӨГӨӨЖ:

• Сургуулийн захиргааны техникийн нөөц бололцоо сайжирч, автомашинд зарцуулдаг засвар үйлчилгээний зардал буурна.
• Сумын ерөнхий боловсролын сургуулийн багш, сурагчид аймаг, улсын уралдаан тэмцээнд явахдаа найдвартай, эрсдэлгүй, тав тухтай, тохилог автобусаар үйлчлүүлнэ.

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Автомашин нийлүүлэх” хөтөлбөрийг хэрэгжүүлсэн
• Сэврэй сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан.
• “Говийн оюу хөгжлийг дэмжих сан” нь захиалагч Сэврэй сумын ЗДТГ болон хөтөлбөрийн хэрэгжүүлэгч “Арц энерги” ХХК-тай санхүүжилтийн гэрээ байгуулсан.
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан.
• Хөтөлбөрийн хэрэгжүүлэгч “Арц энерги” ХХК нь автобус нийлүүлэх ажлыг гэрээний хугацаанд чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын ерөнхий боловсролын сургуулийн техникийн нөөц бололцоо сайжирч, автомашинд зарцуулдаг засвар үйлчилгээний зардал буурч байгаа бөгөөд багш, сурагчид аймаг, улсын уралдаан тэмцээнд явахдаа найдвартай, эрсдэлгүй, тав тухтай, тохилог автобусаар үйлчлүүлж байна.