ХӨТӨЛБӨРИЙН ҮНДЭСЛЭЛ:
     Ханбогд сумын Жавхлант багийн Дунд гол гэдэг газар Монгол Улсын түүх соёлын өвд бүртгэлтэй Галбын гурван хийдийн нэг Цагаан толгойн хийд байрладаг юм. Тус хийдийн дэргэд “Саран хөхөө” дуурийг тоглуулах зорилгоор 1919 онд VII ноён хутагт Агваанлувсандамбийжанцангийн санаачлан бариулсан задгай театрын туурь байдаг. Өмнөговь аймгаас 2019 оныг “Соёлыг дэмжих жил” болгон зарласантай холбогдуулан дээрх Задгай театрын барилгыг сэргээн барих төслийг хэрэгжүүлэх шаардлага гарсан.
 

ХӨТӨЛБӨРИЙН ЗОРИЛГО:
  Үндэсний уламжлалт соёлын өвийг сэргээн босгож ард иргэдэд таниулах, хамгаалах, ашиглах, аялал жуулчлалын чиглэлээр хөгжүүлэх зорилготой.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
    Говийн оюу хөгжлийг дэмжих сан болон Ханбогд сумын “Мөнх ногоон галба” ТББ хамтран санхүүжүүлж тус сумын Жавхлант багийн Дунд гол гэдэг газарт Задгай театрыг сэргээн барьсан.

 

ХӨТӨЛБӨРИЙН ҮР ӨГӨӨЖ:

• Үндэсний онцлогтой, устах аюулд орсон соёлын өвийг сэргээх, хамгаалах, олон нийтэд таниулах, уламжлуулах ажил хийгдсэн
• Орон нутгийн аялал жуулчлалын хөгжилд эерэг дэмжлэг болно
• Соёлын арга хэмжээг үндэсний хэв маягт уялдуулан зохион байгуулах боломж бүрдсэн
• Соёлын өвийг хамгаалах тухай хуулийн 15-р зүйлийн 1.6-р заалтын хэрэгжилт хангагдсан
   

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн Удирдах зөвлөлийн 2019 нэгдүгээр сарын 24-ний өдрийн хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Задгай театр” хөтөлбөрийг хэрэгжүүлсэн
• Ханбогд сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Ханбогд ЗДТГ болон хөтөлбөрийн хэрэгжүүлэгч “Мөнх ногоон галба” ТББ-тай санхүүжилтийн гэрээ байгуулсан
• Ханбогд сумын засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Хэрэгжүүлэгч “Мөнх ногоон галба” ТББ гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Ханбогд сумын нутаг дахь үндэсний онцлогтой, устах аюулд орсон соёлын өв болох Задгай театрын барилга сэргээн баригдсан.