ХӨТӨЛБӨРИЙН ҮНДЭСЛЭЛ:
      Өмнөговь аймаг 2019 оныг “Соёлыг дэмжих жил” болгон зарласантай холбогдуулан Ханбогд сумын нутаг дахь улс, аймаг, сумын хамгаалалтанд байдаг түүх, соёлын дурсгалт газрын өнөөгийн нөхцөл байдлыг тодорхойлж мэдээллийн самбар байрлуулах, Галба музейн үзмэрүүдээр каталоги гаргах, улсын хамгаалалтад байдаг түүх, соёлын дурсгалт газруудыг кадастрын зурагт оруулах, судалгаа, тайлан, мэдээллийг цуглуулах, бүртгэлжүүлэх, хадгалах, гэрээт харуулуудыг урамшуулах зэрэг ажлуудыг хийхээр төслийг санаачилсан.

ХӨТӨЛБӨРИЙН ЗОРИЛГО:
      Ханбогд сумын нутаг дахь улс, аймаг, сумын хамгаалалтанд байдаг түүх, соёлын дурсгалт газрын өнөөгийн нөхцөл байдлыг тодорхойлох мэдээллийн сан бий болгох, тэдгээрийн харуул хамгаалалтыг сайжруулах, тэмдэгжүүлэх
 

ХӨТӨЛБӨРИЙН ХҮРЭЭНД ХИЙГДЭЖ БУЙ АЖИЛ:
      Ханбогд сумын нутаг дахь улс, аймаг, сумын хамгаалалтанд байдаг түүх, соёлын 54 дурсгалт газрын өнөөгийн нөхцөл байдлыг тодорхойлж мэдээллийн сан бий болгох, мэдээллийн самбар байрлуулах, Галба музейн үзмэрүүдээр каталоги гаргах, улсын хамгаалалтад байдаг түүх, соёлын дурсгалт 8 газрыг кадастрын зурагт оруулах суманд нь хүлээлгэж өгөх, тухайн сумын нутагт хийгдсэн түүх соёлын дурсгалт газруудын талаарх судалгаа, тайлан, мэдээллийг цуглуулах, бүртгэлжүүлэх, хадгалах, гэрээт харуулуудыг урамшуулах ажлууд хийгдэж байна.

ХӨТӨЛБӨРИЙН ҮР ӨГӨӨЖ:

• Ханбогд сумын нутаг дахь улс, аймаг, сумын хамгаалалтад байдаг түүх, соёлын 54 дурсгалт газрын өнөөгийн нөхцөл байдлыг тодорхойлон тэмдэгжүүлж байна.
• Улсын хамгаалалттай түүх, соёлын дурсгалт 8 газарт кадастрын зураг хийж байна.
• Ханбогд сумын түүх, соёлын дурсгалт газар болон улсын хамгаалалттай түүх, соёлын дурсгалт газрын мэдээллийн сан бий болгож байна
• Түүх, соёлын дурсгалт газруудын харуул хамгаалалтыг сайжруулах ажил хийгдэж байна.
• Ханбогд сумын музейн үзмэрүүдээр каталоги гарган олон нийтэд таниулах ажил хийнэ

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн Удирдах зөвлөлийн 2019 нэгдүгээр сарын 24-ний өдрийн хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Өв соёл” хөтөлбөрийг хэрэгжүүлж байна.
• Ханбогд сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Ханбогд ЗДТГ болон хөтөлбөрийн хэрэгжүүлэгч иргэн Д.Хүдэрбаттай санхүүжилтийн гэрээ байгуулсан
• Хэрэгжүүлэгч иргэн Д.Хүдэрбат хөтөлбөрийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Ханбогд суманд соёлын биет өв болох түүх, соёлын дурсгалт газруудыг хамгаалах, олон нийтэд таниулах, нэгдсэн мэдээллийн сантай болох зэрэг үр дүн гарах юм.