ХӨТӨЛБӨРИЙН ҮНДЭСЛЭЛ:
      Өмнөговь аймаг 2019 оныг “Соёлыг дэмжих жил” болгон зарласан, ирээдүй хойч үе болох хүүхэд, залууст чиглэгдсэн ардын урлагын сургалт, үйл ажиллагаа дутмаг, ардын дуу сонирхогч иргэдийн хүсэлт зэрэгт үндэслэн “Монгол ардын дуу” хөтөлбөрийг хэрэгжүүлэх шаардлага гарсан.

ХӨТӨЛБӨРИЙН ЗОРИЛГО:
      Соёлын биет бус өв болох Монгол ардын уртын болон богино дууг хүүхэд, залуус, сонирхогчдод зааж сурган сурталчилж, мартагдаж байгаа дуунуудыг сэргээн түгээн дэлгэрүүлэх, залуу хойч үед өвлүүлэх зэргээр үндэсний уламжлалт урлагаа хадгалахад хувь нэмрээ оруулах.
 

ХӨТӨЛБӨРИЙН ХҮРЭЭНД ХИЙГДЭЖ БУЙ АЖИЛ:
      Ханбогд суманд цэцэрлэг, сургуулийн хүүхэд, ардын дуу сонирхогч иргэд, ардын авьяастнуудыг хамруулан 12 сарын хугацаанд Монгол ардын дууны сургалт зохион байгуулж, сургалтанд хамрагдсан иргэд, хүүхдүүдийг оролцуулан ардын дууны тоглолтыг 6 удаа, Монгол ардын дууны тэмцээн 4 удаа зохион байгуулахаар ажиллаж байна
 

ХӨТӨЛБӨРИЙН ҮР ӨГӨӨЖ:
     Соёлын биет бус өв болох Монгол ардын уртын болон богино дууг иргэдэд заах, уралдаан тэмцээн зохион байгуулах зэргээр түгээн дэлгэрүүлж үндэсний уламжлалт урлагаа хадгалахад хувь нэмэр болох юм.
 

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн Удирдах зөвлөлийн 2019 нэгдүгээр сарын 24-ний өдрийн хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Монгол ардын дуу” хөтөлбөрийг хэрэгжүүлж байна.
• Ханбогд сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Ханбогд ЗДТГ болон хөтөлбөрийн хэрэгжүүлэгч иргэн Х.Амбаатай санхүүжилтийн гэрээ байгуулсан
• Хэрэгжүүлэгч иргэн Х.Амбаа хөтөлбөрийн гэрээний ажлыг хугацаанд нь чанартай хэрэгжүүлснээр соёлын биет бус өв болох Монгол ардын уртын болон богино дууг иргэдэд заах, уралдаан тэмцээн зохион байгуулах зэргээр түгээн дэлгэрүүлж үндэсний уламжлалт урлагаа хадгалахад хувь нэмэр болох юм.