ХӨТӨЛБӨРИЙН ҮНДЭСЛЭЛ:
     2012 онд Ханбогд суманд газар тариалангийн жишиг талбайг байгуулах зорилгоор 10 га газрыг тариаланчдад гаргасан. 2016 оноос “Галбын өгөөж” хоршооны 9 өрх уг талбайд хүнсний ногоо тариалж байна. Мөн сумын хэмжээнд нийтдээ 2 хоршооны 40 гаруй өрх хүнсний ногоо тариалдаг бөгөөд тэдний 20 өрх тэтгэврийн насныхан, 10 өрх уул уурхайн нөлөөллийн бүсэд амьдарч байна. Иймд дээрх хүнсний ногоо тариалдаг иргэдэд дэмжлэг өгөх зорилгоор хөтөлбөрийг санаачилсан.
 

ХӨТӨЛБӨРИЙН ЗОРИЛГО:
     Ногоочдын өрхийн орлогыг нэмэгдүүлэх, иргэд, аж ахуйн нэгж байгууллагад шинэ, эрүүл ахуйн шаардлагад нийцсэн хүнсний ногоогоор хангах

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Ханбогд сумын “Галбын өгөөж” хоршоонд бүхээгтэй, хүнс тээвэрлэх зориулалтаар тоноглосон хөргүүртэй Киа Бонго-3 автомашин нийлүүлсэн.

 

ХӨТӨЛБӨРИЙН ҮР ӨГӨӨЖ:
     Ханбогд сумын төвийн хүнсний ногоо тариалдаг хоёр хоршооны 28-30 өрх, нөлөөллийн бүсийн 8-10 өрхийн тариаланчид хүнсний ногоогоо стандартын шаардлагад нийцсэн хөргүүртэй автомашинаар тээвэрлэн “Оюу толгой” компани болон бусад хэрэглэгчдэд нийлүүлэх боломжтой болсон. Ингэснээр ногоочдын өрхийн орлого нэмэгдэх, иргэд, аж ахуйн нэгж байгууллага шинэ, эрүүл ахуйн шаардлагад нийцсэн хүнсний ногоогоор хангагдах эерэг үзүүлэлтүүд гарсан.

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн Удирдах зөвлөлийн 2019 оны нэгдүгээр сарын 24-ний өдрийн хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Галбын өгөөж” хөтөлбөрийг хэрэгжүүлсэн
• Ханбогд сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч “Галбын өгөөж” хоршоотой санхүүжилтийн гэрээ байгуулсан
• Ханбогд сумын засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан
• Ханбогд сумын “Галбын өгөөж” хоршоонд бүхээгтэй, хүнс тээвэрлэх зориулалтаар тоноглосон хөргүүртэй “Киа Бонго-3” автомашин нийлүүлэх төслийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Ханбогд сумын хүнсний ногоо тариалдаг 36-40 өрхийн орлого нэмэгдэх, иргэд, аж ахуйн нэгж байгууллага шинэ, эрүүл ахуйн шаардлагад нийцсэн хүнсний ногоогоор хангагдах эерэг үзүүлэлтүүд гарч байна.